Urpaqqa amanat

Táýelsizdik. Kelisim. Bolashaǵy birtutas ult

«Máńgilik Elge» aparatyn basty qundylyqtar, mine, osylar

Elbasynyń Qazaqstan halqy Assambleıasynyń HHIV sessııa­sy qorytyndysy boıynsha «Máńgilik El» jalpyulttyq patrıottar akti­sin jarııalaýy birtektilik pen bir­lik jónindegi júrgizilip kelgen jumys­tardyń jaqsy jemisi dep sanaımyz. «Osy mańyzdy qujattyń kóp­ten beri daıyndalyp, dál bıyl­ǵy meıirli jylda qabyl­danýy aıryqsha mańyzǵa ıe. «Nadan halyq bir jylyn, aqyldy halyq I ǵasyryn, dana halyq máńgilik bola­shaǵyn oılaıdy», degen sóz bar. Biz bul jolda máńgilik bola­sha­ǵyn oılaıtyn dana halyq bola­ıyq. Patrıottyq akti – hal­qy­myz­dyń búgingi ómirine de, bola­shaǵyna da tikeleı yqpal etetin mańyzdy qundylyqtardyń jıyn­tyǵy. Qujattyń árbir tarmaǵy halqymyzdyń júreginen berik oryn alaryna senemin», dedi N.Nazarbaev Qazaqstan halqy Assambleıasynyń «Táýelsizdik. Kelisim. Bolashaǵy birtutas ult» atty XXIV sessııasynda. Qazaqstanda eshkim bóten emes. Qıyn-qystaý zamanda Qa­zaq­­stanǵa jer aýdarylyp, qazaq halqynyń aıaly alaqany­nyń ystyq tabyn sezingen, meıi­rimi­nen qýat al­ǵan, tar kezde ıyǵyn tiregen, túr­li zul­mattardan aman qalǵan ult­tar men ulystardyń búgingi ur­paǵy muny anyq sezi­nedi. О́zin Qazaq­stan­nan, qazaq halqynan bóle almaıdy. Keshe ǵana ózimizdiń sary uly­myz Gennadıı Golovkın Ame­rıkada óziniń 35-shi kezdesýin ótki­zip, 18 ret rıngke shyǵyp sonyń 12-inde qarsylasyn nokaýt­qa jyqqan Domınık Ýeıdti ekinshi raýndta-aq sulatyp tastady. Dúnıejúzindegi eń myqty sana­latyn elde júrse de jatty­ǵý zaly­nyń qaq tórine qazaq baı­raǵyn ilip qoıatyn, sharshy alań­daǵy shaıqasqa qazaqy oıý-órnekti shapanyn jamylyp shyǵa­tyn Gennadıı ózin qazaqpyn deıdi. Álem halqy da ony qazaq dep qabyldaıdy. Olımpıada oıyn­darynan bastap Álem, Azııa chempıonattarynda birde-bir ret jeńilme­gen, Elbasynyń týǵan inisin­deı bolyp ketken Ilıa Ilın de Qazaq­stannan bas­qa tarıhı Otan baryn oılamaı­dy. О́ıt­keni, olardyń bári bizdiń baýyrlarymyz, Táýelsiz Qazaq­stannyń qaharman­dary. Máń­gilik Eldiń maqtanysh­tary. «Sondyqtan elimizdegi basqa aǵaıynymyzdy, bizdiń basqa azamattarymyzdy osyǵan baý­lý úshin, túsindirý úshin bar­lyǵymyz jumyla jumys jasaýymyz kerek. Patrıottyq akti –  Táýelsiz Qazaqstannyń negi­zin qalaǵan býynnyń keıingi ur­paqqa amanaty. Ár adamnyń júreginen oryn alatyn nárse. On­daǵy qundy­lyqtardy máńgi qasterlep, damyta bilsek – Máń­gilik El bolý degen osy. Árbir qazaqstandyqtyń sanasyna osyny sińirý – bizdiń paryzymyz. Máńgilik Eldiń myz­ǵymas qun­dylyqtaryn, bir­likti bárinen bıik qoıatyn bir­tutas el ǵana júzege asyra alady. Biz osyndaı bolashaǵy birtutas eldi jasaıyq dep otyrmyz», dedi Elbasy. Qazaqstannyń talaıly taǵdy­ry osyndaı tutastyqqa alyp kel­di. Elbasymyz Nursultan Nazar­­baevtyń Qazaqstan halqy Assam­bleıasyn qurý arqyly bir­tek­­tilik pen tatýlyqty, beı­bit­shi­lik­ti ornyqtyrýy, ult­tyq qun­­­­dylyq­tarǵa ulastyrýy búgin­­­deri dú­nıe­­­júzindegi barsha mem­leket­­ter bas­shylaryna úlgi bolyp otyr. Ońalbaı AIаShEV, Ońtústik Qazaqstan memlekettik pedagogıkalyq ınstıtýtynyń rektory, pedagogıka ǵylym­dary­nyń doktory, professor, oblystyq máslıhattyń depýtaty Shymkent

Tilegimiz de, tiregimiz de bir

Qazaqstan – barsha ulttar men ulys­tardy baýyryna basqan kópult­ty memleket. Qazaq jur­ty ár­túrli taǵdyr jolymen keń da­la­syna kelgen ózge ult ókil­­derin ózekke tepken joq, bary­men bó­lis­ti, qıyn-qystaý kúnder­di bir­ge ótkerip, jarqyn keleshek­ke bir­ge umtyldy. Elbasy Nursultan Nazarbaev osy tarıhı sabaq­tas­tyq­pen qalyptasqan kelisim men tatýlyqtyń jańa modelin qur­ǵan qajyrly qaıratker, sarabdal saıa­satker. Bul qasıetter Prezı­denti­miz­diń parasaty men paıymyn da áı­gilep tur. Elbasy bıylǵy Qazaq­s­tan halqy Assambleıasynyń ses­sııa­synda sóılegen sózinde osy sara jol­dyń odan ári nyǵaıa bere­ti­­nin aıtty. О́ıtkeni, Elbasy atap kór­­setkendeı, bul jol – barsha qa­zaq­­­stan­dyqtardyń qalaýy, tile­gi ári ti­­regi. Sondyqtan, biz osy bir­li­gi­­­miz ben yntymaǵymyzdy saq­taý­ǵa ár­­qashan múddelimiz. О́ıtkeni, beı­bit el­diń tútini túzý ushady, bala­la­­ry erkin oınaı­dy, alańsyz bilim ala­­­dy. Azamat­tary eldi damy­tý­ǵa, ot­­­ba­­­syn aýqat­tandyrýǵa eńbek etedi. Prezıdenttiń bastamasymen qa­byl­danǵan Ult Jospary memle­ketimizdiń basqarý apparatynda eleýli jańǵyrtý jumystary júrgizilip jatqanyn kórsetedi. Osy oraıda, memlekettik qyzmet qurylymdarynda basqa ult ókilderiniń bolýy da qýantady. Bul Qazaqstan zańnamasynyń barshaǵa birdeı, azamattardyń teń quqyqty ekenin kórsetedi. Elbasy óz sózinde elimizde kásip­kerlikti óristetýge keń jol ashyl­ǵanyn aıtty. Jáne bul baǵyt­ta jasalǵan qoldaýlardyń tıim­di nátıjege bastaǵanyn atap ótti. Shyn máninde, adamdy eńbek kór­keıtedi. Muny óz tájirıbemnen de aıta alamyn. Men áldeqashan zeı­netke shyqsam da, jylyjaı sharýa­shylyǵymen shuǵyldanyp kele­min. Bul – bir jaǵynan ózim jaqsy kóretin súıikti isim. Júzden astam túrli tuqymdaǵy gúlder men aǵashtardy ósirýden janym rahat tabady. Ekinshiden, paı­da­ly kásip. Osy jylyjaı arqy­ly memlekettik mekemeler men kásip­oryndardan, jekelegen kompanııa­lardan tapsyrystar qabyldap, sharýamdy dóńgeletip otyrmyn. Kásipti durys jolǵa qoıa bilýdiń mańyzy úlken. Eń bastysy, ár isti janyńnyń qalaýymen atqarǵan abzal. Sondyqtan, Prezıdenttiń bızneske qolaıly jaǵdaı jasaý jónindegi atqaryp jatqan jumystaryn árdaıym qoldaımyn. Shynynda, sońǵy jyldary aýyl sharýashylyǵy salasyndaǵy fermerlerge memleket tarapynan úlken jaǵdaılar jasalyp jatyr. Assambleıa ınstıtýty búginde biregeı qurylymǵa aınaldy. Onyń qyzmeti men mańyzy qoǵamda úlken rólge ıe bolýda. Abyroıly uıymnyń jumysy qoǵamnyń kóptegen salalarynda kórine bas­tady. Ásirese, qaıyrymdylyq qaǵıdattaryn iske asyratyn tetik retinde jumys isteı bastaǵanyna qýanyshtymyn. Bul elimizdegi túrli áleýmettik jaǵdaıǵa tap kelgen otandastarymyzdyń bir elde bir taǵdyr keship jatqanyna kóńilderin ılandyra túsetin izgi is. Iаǵnı, olar jalǵyz emes. Qıyn­dyǵymen bólisetin, qamqor­ly­ǵyna, qanatynyń astyna alatyn otandas­tary bar. Bul bizdiń shırek ǵasyr ishinde qalyptasqan qazaqstandyq sanamyzdyń bıik kórinisi der edim. Lıýdmıla ZEMLIаNAIа, «Jer-Sý» JShS jetekshisi  Shyǵys Qazaqstan oblysy, Ulan aýdany, Ýkraınka aýyly Aqmola oblysy

Táýelsizdikti kózdiń qarashyǵyndaı qorǵaımyz

Elbasy Nursultan Nazarbaev Qazaqstan halqy Assambleıasynyń sessııasynda  el táýelsizdiginiń berik irgetasy birlik pen yntymaqta  ekendigine erekshe ekpin túsirdi. Shyndyǵy da solaı, álemdegi kóp­tegen elderde ishki alaýyzdyq pen syrtqy kúshterdiń yqpalymen bola­tyn túrli kedergilerdiń zar­dabyn kórip keledi. Osyndaıda bizdiń basty qundylyǵymyz – táýel­sizdikti kózdiń qarashyǵyndaı  saq­taýdyń mańyzy arta  túsedi. Muny Elbasy «Biz qandaı zamanda da táýel­sizdik tizginin ustaýǵa tıis­­piz. Eli­mizdi ishtiń, syrttyń alaýy­z­­­dy­ǵynan saqtap, nyǵaıta túsý ta­­rıh aldyndaǵy paryzymyz jáne ja­ýap­­kershiligimiz. Uly Dalada týymyzdy tigip, erkin ómir súrýge laıyqty ekenimizdi kún saıyn ózimizge de, barshaǵa da dálel­dep otyrýmyz kerek»,  dep oryn­dy baǵasyn berdi. Álemdik  ór­ke­nıet kóshine ekpindeı engen tá­ýel­siz elimizdegi etnosaralyq ke­li­­sim­niń beriktigi urpaqtan ur­paq­­q­a jal­ǵasýy kerek. Sol arqy­ly bar­sha qazaqstandyqtardyń kóke­ıin­de júrgen izgi maqsaty iske asa­dy dep oılaımyn. О́ıtkeni, biz Máń­gi­lik Eldiń basty ıdeıalary – je­ti tuǵyryn naqty ómirde is­ke asy­­rýdy kózdegen Uly Dala el­i­­niń pat­­rıottarymyz. Biz osy maq­sat­taǵy ortaq múdde jolynda árdaıym birgemiz. Iýrıı KÝSTADINChEV, Atyraý oblystyq máslıhatynyń depýtaty, «Vozrojdenıe» bolgar etnomádenı birlestiginiń tóraǵasy Atyraý oblysy