ASTANA. 28 sáýir. Jalǵan aqparat taratqan jáne ruqsat etilmegen sherýlerge shaqyrǵandardyń bári ákimshilik jáne qylmystyq jaýapkershilikke tartylady. Bul týraly Prezıdent janyndaǵy ortalyq kommýnıkasııalar qyzmetine silteme jasaǵan egemen.kz tilshisi habarlady.
«Men prokýratýranyń barlyq aýmaqtyq organdaryna quqyq tártibin jáne qoldanystaǵy zańnamalardyń buljytpaı oryndalýyn qamtamasyz ete otyryp, bul saladaǵy quqyq buzýshylyqtardy ýaqytyly anyqtap, olardyń aldyn alýdy tapsyrdym», – dedi Jaqyp Asanov.
Aıta keteıik, buǵan deıin aqparat quraldarynda jáne áleýmettik jelilerde aýyl sharýashylyǵy jerlerin satý máselesine qatysty jalǵan málimet taratylǵan bolatyn. Osy rette Bas prokýratýra bul is-árekettiń qoldanystaǵy zańnamany óreskel buzý bolyp tabylatynyn jáne buǵan qatysy barlardyń zań aldynda jaýap beretinin eskertti.
Aıan Ábdýálı.
Derek, foto: Prezıdent janyndaǵy ortalyq kommýnıkasııalar qyzmeti.