Basym daýyspen bekitildi

Prezıdent Ákimshiliginiń Basshysy Nurlan Nyǵ­matýlın Parlament Senaty depýtattaryna Qazaqstan Respýb­lı­ka­sy­nyń Bas prokýrory laýazymyna J.Asanovtyń kandı­datýra­syn usyndy, dep habarlady Prezıdenttiń baspasóz qyzmeti. N.Nyǵmatýlın 25 sáýirde A.Daýyl­baevtyń basqa jumysqa aýy­sýyna baılanysty Memleket basshysynyń jarlyǵymen Bas prokýror laýazymynan bosatylǵanyn, soǵan oraı Qazaqstan Prezıdenti el Konstıtýsııasyna sáıkes vedom­s­tvonyń jańa basshysynyń kandıdatýrasyn kelisý úshin Parlament Senatyna usynatynyn atap ótti. Osyǵan baılanysty Prezıdent Ákimshiliginiń Basshysy Memleket basshysynyń usynymyn oqyp, J.Asanovtyń jumys tájirıbesi mol ekenin, prokýratýra organ­dary­nyń barlyq deńgeıindegi laýazym­darynda bolǵanyn, Prezı­dent Ákimshiliginde jáne Ádilet mınıstrliginde qyzmet atqarǵanyn atap ótti. Májilistegi zań shyǵarý jumysynan tájirıbesi bar ekenin jáne sońǵy úsh jarym jylda Bas prokýrordyń orynbasary bolǵanyn aıtty. J.Asanovtyń kandıdatýrasy Senat depýtattarynyń basym kópshiliginiń daýysymen bekitildi.