2011 jylǵy 11 shilde, Astana qalasy
Qazaqstan Respýblıkasynyń Ulttyq muraǵat qory qujattaryn qalyptastyrý, saqtaý jáne paıdalaný salasyndaǵy táýekelder dárejesin baǵalaý krıterıılerin bekitý týraly
«Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasy Zańynyń 13-babynyń 3-tarmaǵyna jáne «Ulttyq muraǵat qory jáne muraǵattar týraly» Qazaqstan Respýblıkasy Zańynyń 18-babynyń 1-tarmaǵynyń 20) tarmaqshasyna sáıkes buıyramyn: 1. Qosa berilip otyrǵan Qazaqstan Respýblıkasynyń Ulttyq muraǵat qory qujattaryn qalyptastyrý, saqtaý jáne paıdalaný salasyndaǵy táýekelder dárejesin baǵalaý krıterııleri bekitilsin. 2. Qazaqstan Respýblıkasy Baılanys jáne aqparat mınıstrliginiń Aqparat jáne muraǵat komıteti (B.T.Bersebaev): 1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin; 2) memlekettik tirkeýden ótkennen keıin osy buıryqtyń buqaralyq aqparat quraldarynda resmı jarııalanýyn jáne Qazaqstan Respýblıkasy Baılanys jáne aqparat mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Baılanys jáne aqparat vıse-mınıstri N.N.Orazovqa júktelsin. 4. Osy buıryq alǵashqy resmı jarııalanǵan kúninen bastap qoldanysqa engiziledi.Mınıstr A.JUMAǴALIEV.
Qazaqstan Respýblıkasy Baılanys jáne aqparat mınıstriniń 2011 jylǵy 11 shildedegi № 198 buıryǵymen bekitilgen
Qazaqstan Respýblıkasy Ulttyq muraǵat qory qujattaryn qalyptastyrý, saqtaý jáne paıdalaný salasyndaǵy táýekelderdi baǵalaý dárejesiniń krıterııleri 1. Qazaqstan Respýblıkasy Ulttyq muraǵat qory qujattaryn qalyptastyrý, saqtaý jáne paıdalaný salasyndaǵy táýekelderdi baǵalaý dárejesiniń krıterııleri (budan ári - krıterııler) tekseriletin sýbektilerdi belgili bir táýekel tobyna jatqyzý maqsatynda jáne «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasy Zańynyń 13-babynyń 3-tarmaǵyna jáne «Ulttyq muraǵat qory jáne muraǵattar týraly» Qazaqstan Respýblıkasy Zańynyń 18-babynyń 1-tarmaǵynyń 20) tarmaqshasyna sáıkes ázirlengen. 2. Osy krıterıılerde mynadaı uǵymdar paıdalanylady: 1) tekseriletin sýbektiler - qyzmet barysynda Ulttyq muraǵat qorynyń qujattary paıda bolatyn memlekettik zańdy tulǵalar; sondaı-aq muraǵat isin basqarý jáne júrgizý organdary; 2) táýekel – saldarynyń aýyrlyq dárejesi eskerile otyryp, Qazaqstan Respýblıkasy Ulttyq muraǵat qory qujattary men jeke quram boıynsha qujattarǵa zııan keltirý, joǵaltý (joıý) yqtımaldylyǵy. 3. Táýekel dárejesine qaraı tekseriletin sýbektiler joǵary, ortasha nemese tómengi táýekel toptaryna jatqyzylady. 4. Alǵashqyda barlyq tekseriletin sýbektiler tómengi táýekel dárejesine jatqyzylady. Tekseriletin sýbektilerdi tómengi táýekel dárejesi tobynyń ishinen basymdy irikteý úshin saqtaýdaǵy qujattardyń eń úlken kólemi negiz bolady. 5. Budan ári tekserý nátıjeleri, krıterııler boıynsha jınaǵan balldardy esepke ala otyryp, tekserýden ótken tekseriletin sýbekt táýekel dárejesiniń tıisti toptaryna qaıta bólinedi: 1) táýekel dárejesiniń tómengi tobyna tekserý nátıjesi boıynsha 1-den bastap 5-ke deıin ball jınaǵan tekseriletin sýbektiler jatady; 2) táýekel dárejesiniń ortasha tobyna tekserý nátıjesi boıynsha 6-dan bastap 11-ge deıin ball jınaǵan tekseriletin sýbektileri jatady; 3) táýekel dárejesiniń joǵary tobyna tekserý nátıjesi boıynsha 11 balldan joǵary jınaǵan tekseriletin sýbektiler jatady. 6. Táýekel dárejesin baǵalaýdyń krıterııleri bolyp mynalar tabylady: qujattardy resimdeýge qoıylatyn talaptardyń buzylýy – 1 ball; qujat aınalymyn uıymdastyrýǵa qoıylatyn talaptardyń buzylýy - 1 ball; kelisilgen ister nomenklatýrasynyń bolmaýy, isterdi qalyptastyrý men muraǵatqa berý tártibiniń buzylýy – 1 ball; vedomstvolyq muraǵatta Ulttyq muraǵat qorynyń qujattaryn belgilengen ýaqytsha saqtaý merzimderi men memlekettik muraǵatqa berý tártibiniń buzylýy– 1 ball; Ulttyq muraǵat qorynyń qujattary men jeke quramy boıynsha qujattardyń esebiniń júrgizilmeýi – 1 ball; memlekettik jáne arnaıy memlekettik muraǵattardaǵy Ulttyq muraǵat qorynyń qujattary men jeke quramy boıynsha qujattarǵa ǵylymı-anyqtamalyq apparat júıesiniń bolmaýy – 1 ball; Ulttyq muraǵat qorynyń qujattaryn saqtaý rejimi men jaǵdaılarynyń buzylýy – 6 ball; Ulttyq muraǵat qorynyń qujattary men jeke quramy boıynsha qujattardy paıdalaný kezinde jeke jáne zańdy tulǵalardyń quqyqtary men múddeleriniń buzylýy – 6 ball; Qazaqstan Respýblıkasynyń Mádenıet jáne aqparat mınıstriniń m.a. 2009 jylǵy 25 qyrkúıektegi № 128 buıryǵymen bekitilgen, Normatıvtik quqyqtyq aktilerdi memlekettik tirkeý tiziliminde № 5834 bolyp tirkelgen Memlekettik jáne memlekettik emes uıymdardyń qyzmetinde jasalatyn úlgilik qujattardyń tizbesin saqtaý merzimderin kósete otyryp bekitýmen belgilengen saqtaý merzimderiniń buzylýy – 6 ball; memlekettik jáne arnaıy memlekettik muraǵattarda Ulttyq muraǵat qory men jeke quramy boıynsha qujattardyń fızıkalyq, hımııalyq jáne tehnıkalyq jaı-kúıin esepke alýdyń bolmaýy – 6 ball; Qazaqstan Respýblıkasy Ulttyq muraǵat qory men jeke quramy boıynsha qujattardyń saqtalýynyń qamtamasyz etilmeýi – 12 ball; Ulttyq muraǵat qory men jeke quramy boıynsha qujattardy memlekettik organdardyń kelisiminsiz joıý – 12 ball. Buıryq Qazaqstan Respýblıkasynyń Ádilet mınıstrliginde 2011 jylǵy 8 tamyzda Normatıvtik quqyqtyq kesimderdi memlekettik tirkeýdiń tizilimine №7112 bolyp engizildi.
