Oblystyq sottyń baspasóz qyzmetiniń aqparatyna qaraǵanda, mektep túlekteriniń zańdy ókilderi komıssııanyń bul sheshimimen kelispeı, sotqa júgindi.
«Mamandandyrylǵan aýdanaralyq ákimshilik sotynda is materıaldary qaraldy. Talap qoıýshylardyń 5-11-synyptar aralyǵynda barlyq pán boıynsha jyldyq, toqsandyq jáne qorytyndy baǵalary úzdik bolyp, qorytyndy attestattaýdan sátti ótken. Bul «Altyn belgi» alý talaptaryna sáıkes keledi. Baǵalardy qoıý, ózgertý jáne túzetý tek pedagogterdiń quzyreti men jaýapkershiligine ǵana qatysty. Osyǵan baılanysty oqýshylar muǵalimder tarapynan bolýy múmkin qatelikter nemese prosestik buzýshylyqtar úshin jaýapty bolmaýy tıis, munyń teris saldary bolýy múmkin emes. Bilim basqarmasymen ákimshilik sot isin júrgizýdiń bazalyq qaǵıdattary, onyń ishinde senim quqyǵyn qorǵaý, ádildik jáne mólsherlestik qaǵıdattary buzylǵan. О́ıtkeni teris saldarlar túlekterge olardyń kinásinsiz jáne olardyń tarapynan dáleldengen buzýshylyqsyz júkteldi», dep habarlady sottyń baspasóz qyzmeti.
Atyraý oblysynda mektep bitiretin 222 túlek «Altyn belgi» alýy múmkin
Sot isti qaraý kezinde Bilim jáne ǵylym mınıstriniń buıryǵynyń erejelerin eskerdi. Soǵan sáıkes moderasııa rásimi oqýshylardyń oqý jetistikterin baǵalaý boıynsha daýly máseleler bolǵan kezde ǵana qoldanylady. Bul jaǵdaıda mundaı daýly máseleler bolmaǵan.
«Altyn belgi» ıegerleriniń 23 paıyzǵa jýyǵy ustaz mamandyǵyn tańdaǵan
«️Sot pedagogter engizgen túzetýlerge negizdelgen komıssııa sheshimin zań talaptaryna qaıshy dep tanydy. Mektep bitirýshilerge qatysty komıssııa otyrysynyń daýly hattamasynyń kúshin joıdy. Bilim basqarmasyna «Altyn belgi» berý týraly máseleni qaıta qaraýdy mindettedi. ️Atyraý oblystyq soty bul sheshimdi ózgerissiz qaldyrdy», dep málim etti sottyń baspasóz qyzmeti.
