Ekinshi tynysy ashylǵan zaýyt

Hromtaý – jerasty qazba baılyqtaryna baı aýdan. Bul óńirdegi hrom kenin óndirý ob­lys qana emes, elimizdiń eko­no­mı­ka­lyq damýyna serpin berip otyr. Alaıda, munda sońǵy jyl­dary qurylys materıal­da­ryn óndirý de jolǵa qoıyla bas­tady. Tur­ǵyn úı qury­ly­syn­da paıdalany­latyn qabyr­ǵa­lyq kafel (qysh plıtalar) shyǵaratyn «Keramıka» zaýyty kezinde elimizdegi bir­den-bir ká­siporyn bolatyn. Na­ryqtyq bá­sekege tótep bere almaı bul zaýyt budan eki jyl buryn bankrotqa ushyrap, osyn­shama ýaqyt turyp qalyp edi. Ja­qyn­da aradaǵy eki jylǵy úzi­listen keıin kásiporyn óz ju­mysyn qaıta bastady. Buǵan zaýyt­ty qaıta jaraqtandyrýǵa memle­ket­tiń qarjylaı qoldaý kór­setýi yqpal etti. Bul joba «Damý-Aımaqtar-2» aımaqtyq baǵdarlamasy boı­yn­sha qarjylandyryldy. Zaýytty qaıta jaraqtandyrýǵa 222 mıllıon teńge 10 paıyzdyq ósimmen bólindi. «Keramıka» aksıonerlik qoǵamy, «SentrKredıtBank» jáne «Damý» kásipkerlikti damytý qo­ry ózara kelisim-shartqa otyrǵan. Osy kelisim-shartqa sáıkes ne­sıe­niń ósiminiń 7 paıyzyn «Bız­nestiń jol kartasy-2020» baǵ­dar­lamasy aıasynda memleket ja­bady. Ká­siporyn alǵan nesıesin qalǵan 3 paıyzdyq ósimmen ózi óteıdi. Memlekettiń qoldaýymen qaı­ta jaraqtandyrylǵan zaýytqa keramıka plıtalaryn shyǵaratyn ıtalııalyq tehnologııa ornatyl­ǵan. Al, ónim óndirýge qajetti qı­yrshyq tas, saz, qum sııaqty shıkizattar osy óńirden molynan tabylady. Keramıka plıta­la­ry­na qajetti boıaýlyq shıkizattar Ispanııadan jetkiziledi. Joba tolyq qýatynda ju­mys istegende kólemi 20-30 santımetr bolatyn 40 túrli 1 mıllıon sharshy metr qysh plı­talary shyǵarylady. Ázirge táýligine 1,5 myń sharshy metr kafel óndirilýde. Qaıta jaraqtandyrylǵan ká­sip­orynda tórt aýysymda 120 adam eńbek etedi. Jumysshy­lar­dyń basym bóligi burynǵy zaýytta eńbek etkender. Tap­sy­rys bolsa, ónim óndirý de arta túspek. Zaýyt dırektory Ádil­han Itbaevtyń aıtýynsha, elimizdegi kóptegen kásiporyndar­men, mekemelermen óz ónimde­rin ótkizýge kelisim-shart ja­sal­ǵan. Ázirge olardan tapsy­rys túse qoımapty. Sondyqtan áli resmı ashylmaǵan, iske qosý-retteý jumystary bastal­ǵan zaýytta ázirge on bes túrli kafel shyǵarylǵanymen, olar qoımaǵa jınaqtalýda kórinedi. Negizinde olar memlekettik tap­syrys boıynsha zaýyt ónim­de­rin alýy tıis eken. Bul aldaǵy kúnderdiń enshisindegi sharýa. Taıaý ýaqytta munda ónim ótkizý rynogy qalyptasyp, zaýyt ózi­niń jobalyq qýatyna shyǵaty­nyna senim mol. Satybaldy SÁÝIRBAI. Aqtóbe oblysy.