Táýelsizdik jetistikterin áńgimeledi

Qostanaıǵa Qazaqstan Parlamenti Senaty Tóraǵasynyń oryn­ba­sary Muhambet Kópeev keldi. Qala aktıviniń aldynda baıandama jasaǵan ol táýelsiz Qazaqstan­nyń 20 jyl ishinde jetken jetistikterine toqtaldy.  Buryn alyp derjavanyń shıkizat qoımasyna aınalǵan respýblıka óz erkindigi ózine tıgen soń damýdyń durys jolyna tústi. Elimizdiń ekono­mı­kasy men  áleýmettik salasynyń damýy jóninde Senat Tóraǵa­sy­nyń orynbasary keltirgen my­saldar táýelsizdik uǵymynyń hal­qymyz úshin qanshalyqty ma­ńyzdy ekenin  aıqyndaı túsedi. 20 jyl ishinde ishki jalpy ónim 252 ese, ónerkásip óndirisi 4354 ese, jalpy ónim 1600 ese ósti. Qazaqstan ekonomıkasy álemdi ýy­syna tyqqan qarjy daǵda­ry­synan birinshi bolyp shyqty. Sońǵy on jyldyń ishinde Qa­zaqstan  áleýmettik  salada da úlken jetistikterge qol jetkizdi. Ishki jalpy ónim 1994 jyly jan basyna shaqqanda 700 AQSh dol­larynan kelgen edi, al ol 2011 jyly 12 ese ósip, qazir bul kór­set­kish 9000 AQSh dollaryn qu­rap otyr. Elimizde júzege asy­rylyp jatqan  údemeli óndiristik baǵdarlamalar,  ınnovasııalyq jo­balar ekonomıkanyń qarysh­tap da­mýyna jáne Prezıdent Nur­sul­tan Nazarbaev maqsat etip qoı­ǵan  álemdegi moıyny ozyq elý eldiń qataryna kirýimizdiń kepili bolmaq. Muhambet Jumanazaruly Qa­zaqstannyń  búgingi halyqaralyq bedeline de  keńinen toqtaldy. Jas  táýelsiz memleket  halyq­ara­lyq bedeldi uıym – EQYU-ǵa tóraǵalyq etti, mine, bıyl Islam yntymaqtastyǵy uıymyna da jetekshilik jasap otyr. Jaqynda ótken ıslam memleketteriniń eko­nomıkalyq  forýmy  halyq­ara­lyq kóptegen máselelerdiń sheshimin tabýyna talpynys jasady.  Keńqoltyq Qazaq elinde ulttar dúrdarazdyǵy, dinı konfessııalar qaıshylyǵy joq.  Qazir dú­nıe júzi Qazaqstandy yntymaq pen birliktiń, beıbitshilik pen tatýlyqtyń  etalony dep tanyp otyr. Senator Muhambet Kópeev  sóziniń sońynda táýelsiz Qa­zaq­stannyń osyndaı tolaǵaı jetistikterge Elbasy, Ult kóshbas­shysy Nursultan Nazarbaevtyń sarabdal saıasatynyń arqasynda jetip otyrǵanyn qadap aıtty. Sondyqtan Elbasy saıasatyn búkil qazaqstandyqtar qoldaıdy. Mártebeli qonaq munan keıin qostanaılyqtardyń bıyl bitik egin ósirgenine qýanyshty ekenin aıta kelip, ony  tókpeı-shashpaı jınap alýyna tilektestik bildirdi. Názıra JÁRIMBETOVA, Qostanaı.