Qazaqstanda elektrondy eńbek bırjasy paıda bolady

Qazaqstanda elektrondy eńbek bırjasy paıda bolady. Ony iske qosý 2017 jyldyń ekinshi jartyjyldyǵyna josparlanǵan. Jumysqa ornalaspaǵan qazaqstandyqtarǵa enbek.kz portaly arqyly jumys tabýǵa kómektesedi. Bul týraly primeminister.kz tilshisine Eńbek resýrstaryn damytý ortalyǵynyń prezıdenti Dáýlet Arǵandyqov málimdedi. Atalǵan portalda jumys berýshiler bos oryndar men bolashaq jumys oryndary týraly málimetti qaldyra alady. Oǵan qosa, jumyspen qamtý ortalyqtaryna barý qajettigi týyndamaıdy. Saıtta áldeqaıda suranysqa ıe mamandyqtardyń tizimi jasalǵan. Negizinen jumysshy mamandar – tas qalaýshylar, dánekerleýshiler, arnaıy tehnıka júrgizýshileri, sondaı-aq orta medısınalyq qyzmetkerler qajet. «Atalǵan portal arqyly eńbekpen qamtý qyzmetteri tegin, erkin qoljetimdilikte kórsetiledi. Búgin bul saıt mıllıonnan astam kórýge ıe boldy. Búginde biz osyndaı deńgeıdegi saıttardyń arasynda 1 oryndamyz, sondyqtan, marhabbat», – dedi D. Arǵandyqov. Sondaı-aq, Eńbek resýrstaryn damytý ortalyǵynyń prezıdenti Jol kartasy-2020-ny iske asyrýdyń aralyq qorytyndysyn shyǵardy. 5 jyl ishinde shamamen 800 myń jumyssyz adam eńbekpen qamtylǵan. Nátıjesinde eńbek naryǵyndaǵy jaǵdaı turaqtandy. Jumyssyzdyq deńgeıi 4,9%-dy quraıdy. Sonymen qatar, búginde eńbek naryǵynda 21% deńgeıinde ónimsiz jumyspen qamtýdyń joǵarǵy úlesi túrindegi problemalar bar. D. Arǵandyqov О́nimdi jumyspen qamtý men jappaı kásipkerlik baǵdarlamasyn iske asyrý týraly tolyǵyraq aıtyp berdi. Baǵdarlama aıasynda 20 myńnan astam qazaqstandyq qysqa merzimdi oqytý kýrstarymen qamtylady. Baǵdarlama baǵyttarynyń biri – kásipkerlikti damytý, degenmen  aldyńǵy baǵdarlamadan aıyrmashylyǵy - munda sharalar keńeıtiledi jáne aýylda shaǵyn nesıeler berýden ózge, shaǵyn nesıeler qalalyq jerlerde de beriletin bolady. Sonymen qatar, shaǵyn nesıeler kólemi 16 mıllıonǵa deıin ulǵaıtylǵan. Bastapqyda onyń mólsheri 3-5 mln aralyǵynda bolatyn. Nesıelendirý merzimi de ulǵaıtylǵan. Mysalǵa, mal sharýashylyǵy úshin jeti jylǵa deıingi merzim. Budan ózge, kásipkerlik negizderine oqytý sharalary usynylatyn bolady. Baǵdarlamanyń taǵy bir baǵyty – jumysqa ornalasýda kómek kórsetý jáne halyqtyń áleýmettik turǵydan álsiz toptaryna qoldaý kórsetý.ń basty betine gıpersilteme berýge mindetti.