2016 jyly bos jumys oryndarynyń kópshiligi Almatyda tirkeldi

О́tken jyly «Jumys» (www.enbek.kz) portalyndaǵy málimetter boıynsha Qazaqstanda bos jumys oryndarynyń basym kópshiligi Almaty qalasy men Ońtústik Qazaqstan oblysynyń – 16%-dan, Astana qalasynyń – 12%, Batys Qazaqstan oblysynyń – 10% kásiporyndary men uıymdarynda baıqaldy. Bul týraly QR Eńbek jáne halyqty áleýmettik qorǵaý mınıstrliginiń baspasóz qyzmeti habarlady. Portaldaǵy bos oryndardyń basym bóligi qyzmet kórsetý salalaryna keledi – 11 myń 533 (jalpy jumys oryndarynyń 20%-y), ónerkásip pen óndiris – 7 myń 599 (13%), qurylys pen abattandyrý – 4 myń 595 (8%), bilim jáne ǵylym – 4 myń 548 (7%), medısına men dári-dármek naryǵy – 4 myń 467 (7%). Byltyr atalǵan portalǵa jańadan tirkelgen 12 myń 398 paıdalanýshynyń 7 myń 543-i kásiporyndar sanatynan bolyp otyr. Barlyǵy, bir jyl ishinde, jeke jumyspen qamtý agenttikteri men buqaralyq aqparat quraldaryn eseptegende, 60 myńǵa jýyq bos jumys orny men 52 myń túıindeme ornalastyrylǵan. 82,6% vakansııada tolyq jumys kúni talap etilse, 7,4% - vahtalyq jumys tásilinen turyp, 3,7% - jartylaı jumys kúni retinde kórsetilgen. Sonymen qatar, 3,3% úıdegi jumys usynylyp, tolyq emes jumys aptasy men ózge de erekshelikter 3%-quraýda. Jumys izdeýshiler jıi qyzmet kórsetý salasyna - 31%, ónerkásip pen óndiriske - 9%, qurylys pen abattandyrýǵa - 5%, kólik baǵytyna -  4% qyzyǵýshylyq tanytqan. Jumys berýshiler portalda ózdiginen ornalastyrǵan 15 myń 988 bos jumys ornynyń 71%-da, jumys ótiline aıryqsha talap qoıylmaǵandyqtan, jastardyń eńbekpen qamtylýyna oń áser etken. Eske sala ketsek, «Jumys» portaly», bul – Qazaqstandaǵy jumysqa ornalasý máselelerine arnalǵan mamandandyrylǵan ınternet-resýrs. Internet-statıstıka jónindegi zero.kz qazaqstandyq reıtıng servısiniń málimetinshe, «Jumys. Bos jumys oryndary» taqyryby turǵysynan enbek.kz portaly tıisti baǵyttaǵy saıttardyń arasynda paıdalanýshylardyń kirýi jaǵynan joǵarǵy kórsetkishke ıe. 2016 jyly biregeı qoldanýshylar qatary 45 myńnan 150 myńǵa, qaralýy boıynsha 242 myńnan aıyna 1 mıllıonǵa ósken.