Úshinshi jańǵyrý úshin kúsh jumsaıtyn bolamyz

«Nur Otan» partııasy Tóraǵasynyń birinshi orynbasary Pavlodar oblysynda boldy. Muhtar Qul-Muhammed oblys ákimi Bolat Baqaýovpen birge eńbek ujymdarymen kezdesti. Sapardyń negizgi maqsaty – Prezıdenttiń Qazaqstan halqyna Joldaýyn túsindirý. Erkin ekonomıkalyq aımaq aýma­ǵyndaǵy kúıdirilgen munaı koksyn ón­dirý zaýytynyń qyzmetkerlerimen kezdesý kezinde «Nur Otan» partııasy Tóraǵasynyń birinshi orynbasary Prezıdenttiń tapsyrmasy boıynsha Qazaqstanda bastaý alǵan Úshinshi jań­ǵyrýdyń negizgi baǵyttaryn belgiledi. Ol «Memleket basshysy táýelsizdik jyl­darynda bıznestiń damýy úshin bar­lyq qajetti múmkindikterdi týǵyzdy, endi jańa ekonomıkalyq naqtylyq jaǵ­daılarynda onyń tehnologııalyq jań­ǵyrýyn iske asyrý kerek» ekendigin basa aıtty. Muhtar Qul-Muhammed Elbasynyń óziniń halyqqa Joldaýynda otandyq eko­nomıka ósýiniń sapaly jańa oryndaryn ashýdaǵy kásipkerliktiń erekshe rólin atap kórsetip, ekonomıkanyń qaı salalaryna úmit artatyndyǵyn túsindirdi. «Pavlodardaǵy sııaqty dál osyndaı erkin ekonomıkalyq aımaqtar bizdiń ekonomıkamyzǵa ǵalamdyq básekege qabilettilikti qamtamasyz etýge arnalǵan óndiristiń neǵurlym zamanaýı deńgeıine ótý úshin eń qolaıly baza bolyp tabylady», – dep qorytyndylady «Nur Otan» partııasy Tóraǵasynyń birinshi orynbasary. Koks óndirý zaýyty 2015 jyly ashylǵan bolatyn. Ol Pavlodardyń munaı-hımııa kesheniniń quramyna kiredi. Kásiporynǵa shamamen 23 mıllıard teńge jumsaldy. Ol 300 adamdy jumyspen qamtamasyz etip otyr. Zaýyt aldyńǵy qatarly ekologııalyq standarttarǵa sáıkes salyndy. О́ndiris barysynda paıda bolatyn tútindi gazdar qurylysshylar qajet etetin gıpsti qospaǵa arnalǵan qaldyqtar óndire otyryp, ony 95 pa­ıyzdan artyq tazalaıdy. Budan basqa, kásiporyn jyl saıyn aımaqqa 95 myń megavatt elektr energııasyn beredi. Muhtar Qul-Muhammed barǵan taǵy bir aldyńǵy qatarly kompanııa – temir-beton buıymdary zaýyty. Ol ótken ǵasyrdyń 80-jyldarynda salynǵan eski sehtyń bazasynda qurylǵan bolatyn. О́ndiris uzaq ýaqyt jartylaı jumys istep turǵan kúıde edi, alaıda, 2013 jyly «Bıznestiń jol kartasy-2020» baǵdarlamasynyń arqasynda zaýyt tolyǵymen jańǵyrtyldy, zamanaýı jáne básekege qabiletti ónim – ǵımarattar qurylysyna arnalǵan jınalmaly temir-beton qurylymdary men buıymdaryn shyǵarý jolǵa qoıyldy. Onyń óndiristik qýaty – jylyna 80 myń sharshy metr turǵyn úı. Alaıda, jumys kólemin ulǵaıtý úshin múmkindik bar. Kásiporyndaǵylar Qazaqstandaǵy Úshinshi jańǵyrý sheńberinde ekonomıkanyń naqty sektoryna jańa ınvestısııalar kelip, otandyq óndirýshilerdiń kóbeıýi úshin múmkindikter ashylady dep esepteıdi. «Nur Otan» partııasy Tóraǵasynyń birinshi orynbasary taıaýda ǵana Nursultan Nazarbaev jarııa etken el damýynyń jańa josparynyń qazaqstandyq zaýyttardy kóterýge baǵyttalǵanyn túsindirdi. Biraq, Muhtar Qul-Muhammedtiń atap ótkenindeı, suranysqa ıe, onyń ishinde eksportqa da baǵyttalǵan ónim shyǵaratyn óndi­ris­terdiń ǵana keleshegi zor. Úı qurylysy kombınatynyń arqasynda Pavlodardaǵy turǵyn úı qurylysy jańa serpin alyp, qalada eski shaǵyn aýdandardy súrý jumystary bas­taldy. Olar jumysshylardyń ýaqytsha turaǵy retinde sonaý keńes zamanynda salynǵan bolatyn. О́mir súrýge qolaısyz bul úılerdiń tozyǵy jetkenine ondaǵan jyldar ótti. Qazir olardy buzyp, adamdar jańa standartpen salynǵan yńǵaıly jańa turǵyn úı keshenderine kóshýde. Aımaqta taıaý jyldarda eski úılerdiń máselesin tolyq sheshý josparlanyp otyr. «Bul – Prezıdent iske qosqan eli­mizdegi aýqymdy jańǵyrýdyń taǵy da bir jaǵymdy mysaly», – dep atap ótti Muh­tar Qul-Muhammed. Sultanmahmut Toraıǵyrov atyndaǵy Pavlodar memlekettik ýnıversıtetinde ótken oblystyń ǵylymı zııa­ly qaýymy­men jáne jastarymen kezdesýi kezinde «Nur Otan» partııasy Tóraǵasynyń birinshi orynbasary «Jańǵyrý 3.0»-diń bes negizgi baǵyty týraly egjeı-tegjeıli áńgimelep berdi. Muhtar Qul-Muhammed sapaly bilim Prezıdenttiń halyqqa Joldaýyndaǵy qoıylǵan strategııalyq maqsattaryn tıimdi júzege asyrýdyń kepili bolyp tabylatynyn eske saldy. Ol Qazaqstan damýynyń jańa kezeńiniń dál osy otandyq joǵary oqý oryndaryn jańǵyrtýdan bastaý alatynyna senim bildirdi. Bizdiń respýblıkamyzda bastalǵan aýqymdy ózgeristerdi júzege asyrýda «Nur Otan» partııasyna da zor senim artylyp otyr. Partııalyqtarmen kezdesý barysynda Muhtar Qul-Muhammed Pav­lodar óńiriniń ekonomıkalyq qana emes, áleýmettik kórsetkishi jaǵynan da kósh bastap kele jatqan aımaqtardyń qa­taryna enetinin atap ótti. Dálirek aıtsaq, oblys balalardy mektepke deıingi bilimmen qamtý jaǵynan respýblıkamyz boıynsha birinshi orynda tur. О́ńirde bul másele 100 paıyzǵa sheshilgen. Sonymen birge, «Nur Otan» partııa­sy Tóraǵasynyń birinshi orynbasary taıaýda Memleket basshysy ót­kiz­gen Úkimettiń keńeıtilgen otyrysyn­da barlyq óńirlerdiń aldynda Úshin­shi jańǵyrýdyń tıimdi bolýy sol máselelerdiń sheshilýine baılanys­ty birinshi kezektegi mindetterdiń tutas toptamasynyń belgilengenin jet­kizdi. Muhtar Qul-Muhammed par­tııanyń oblystyq fılıalyna Elbasy tap­syr­masynyń basym baǵyttarynyń oryndalýyn qatań baqylaýǵa alýdy jáne onyń mánisin ár pavlodarlyqqa jetkizýdi tapsyrdy. Farıda BYQAI, «Egemen Qazaqstan» PAVLODAR