The Ring fotosy
Kim utty? The Ring
Nıý-Iork. Tóreshiler sheshimi shyqqan kezde rıngtegi eki boksshynyń da óńinen ókinish baıqaldy. Kútpegen jerden Dennı Djeıkobstyń tarapynan myqty qarsylyqqa tap bolǵan, tóreshilerdiń biraýyz sheshimimen jeńiske jetken Golovkın sirá ózi kórsetken boksqa kóńili tolmaǵan jáne nokaýttar rekordynyń 23-pen úzilgenine renishti kúıde turdy. Tórtinshi raýndta nokdaýn alǵanyna qaramastan, qaıta túlep, birneshe márte Golovkınniń janyna batatyndaı aýyr soqqy jasaǵan, onyń maqtaýly alapat kúshin paıdalanbaýy úshin keremet jyldamdyq pen ábjildik kórsetken Djeıkobstyń jeńiliske qatty ókingeni kórindi. Bárinen qýanǵan boksshy bolsa ol eki jyldan beri Golovkınmen kezdesý týraly kelissóz júrgizip kele jatqan Kanelo Alvares bolar. Medıson Skver Gardendegi 19,939 adam aldynda, HBO PPV basty kezdesýinde Djeıkobs aıtarlyqtaı jaqsy boks kórsetken soń Kanelo Golovkınmen jekpe-jekke shyǵýǵa bel baılaýy múmkin. Kim jeńse de, búgin sart-surt urysqa toly, nokdaýny bar, jankúıer jaqsy kóretin qyrǵyn shaıqas boldy.Golovkın bul kezdesýde jeńdi me? Fightnews.info
Besinshi raýndta bitetin sııaqty kórinip edi. Djeıkobs shydap berdi, alaıda bul raýndta taza jeńildi. Altynshy raýnd teń boldy. Jetinshini Golovkınge berýge bolar edi. Djeıkobs odan qorqýdy qoıdy. Dáldik jaǵynan qazaq basym boldy. Al odan keıingi jaǵdaı «orta salmaqtyń lıderi» úshin maqtanarlyqtaı bolmady. Sońǵy bes raýndtyń úsheýinde Golovkın taza utyldy. Chempıon myqty soqqylar jedi, al ózi eshteńe qarsy qoıa almady. Sol sátte rıngte Gena emes, Djeıkobs chempıon sııaqty kórindi [...] Basty suraq – Golovkın jeńdi me? Menińshe jeńgen joq. Ol ınısıatıvany berip qoıdy, kezdesýdiń ekinshi jartysynda nashar kórindi. Tóreshilerdiń esebi boıynsha Golovkınge jeńisti berýge bolady. Biraq Golovkın orta salmaqtyń ıkonasy bolyp sanalatynyn eskersek, onda BUL jeńis emes. Alaıda, barlyq uly chempıondarda tóreshilerdiń kómegimen kelgen jeńister bolǵan.Golovkın aýyr aıqasta jeńdi, Sovetskıı Sport
Ary qaraı jekpe-jek kartınasy ózgerdi. Golovkın uzaq úzilister jasaı bastady. Ol karerasynyń sońǵy jyldaryndaǵy Kostıa Szıýdy eske túsirdi. Ol uzaq jekpe-jekti emes, nokaýtqa túsiretin soqqy jasaýdy oılaýshy edi ǵoı. Djeıkobs bolsa, araqashyqtyqty jaqsy sezinip aldy da qarsylastyń báseńdigin jaqsy paıdalanýǵa kóshti. Sóıtip birneshe raýndty alyp qoıdy. Munshalyq báseń Golovkındi eshkim kórmegen.Djeıkobsty nokdaýn oıatty, Sport-ekspress
11 raýnd aldynda Djeıkobs buryshyna kelip otyrdy da shelekke qan túkirdi. Bapkerleri odan burynǵysha bokstasýdy – múmkin emes nárseni talap etti. Iаǵnı, Golovkınniń soqqysynan jalt berý, kópsoqqyly kombınasııa jasaý, denesinen urý jáne múldem soqqy jibermeý. Golovkınniń soqqysyn jeý ne ekenin bári biledi. Tórtinshi raýndta Golovkın Djeıkobsty oń qolmen jaqyn tustan eki uryp qulatty. Bul Djeıkobsty oıatqan qońyraý boldy. GGG alǵashqy úsh raýndta sózsiz basym boldy deı almaımyz, ol tek dálirek, qattyraq jáne kóbirek urdy. Aldyńǵy qoldyń qatty soqqylary Djeıkobstyń qımylyndaǵy balansty buzyp otyrdy. Dennı Djeıkobsqa sońyna qaraı sáttilik, kúsh jáne tóreshilerdiń azdaǵan kómegi jetispedi. Golovkın Djeıkobsqa revansh berem degendeı boldy. Baspasóz konferensııasynda Djeıkobs «eki upaı basymdyǵymen utqanym anyq», al tóreshiler Golovkın-Alvarestiń jekpe-jegin qutqarý úshin meni qurban etti dedi. Múmkin, onyń sózinde az-maz shyndyq bar shyǵar. Al eger Golovkın men Alvares bıyl kezdespese, Djeıkobs bekerge kúıip ketken bolyp shyǵady. Anderkardta kóp eshkim bilmeıtin taı boksshysy Roman Gonsalesti utty. Tóreshilerdiń esebinshe. Shyn máninde Gonsales jeńildi me. Jeńilgen joq. Tek onyń aldynda tóreshiler qutqarýy tıis úlken jekpe-jek joq edi.Sheın Mozlı, 3 salmaqta álem chempıony bolǵan boksshy
Menińshe, Dennı Djeıkobs óte jaqsy jumys jasaǵan. Naǵyz chempıon aldynda bas kıimimdi sheshem. GGG az ǵana basymdyqpen jeńdi, nemese kezdesý teń aıaqtaldy. Revansh kerek.Baqtııar Artaev, Olımpıada chempıony
Golovkın ýaqyt ótken saıyn álsirep jatyr ma? Joq. Ýaqyt ótken saıyn Golovkınge burynǵydan myqty qarsylastar shyǵyp jatyr.
