Qashyqtyq qadammen eńseriledi

Buqaralyq aqparat kózderinde qyzý talqylanǵan maqalany endi halyq arasynda, jer-jerde zııa­ly qaýym ókilderimen kezdesýler ótip, talqylap jatyr. Sondaı keleli kezdesýlerdiń biri − keshe Qaraǵandy qalasynda Qazaqstan halqy Assambleıasynyń uıymdastyrýymen jazýshy, Qa­zaqstannyń eńbek sińirgen qaı­rat­keri, «Parasat» ordeniniń ıegeri Raqymjan Otarbaevpen ótti.
Qazaq qalamgerleriniń arasyn­da ózindik qoltańbasymen erek­she tanylǵan belgili jazýshy Raqymjan Otarbaev oblys jurt­shylyǵymen kezdesýde, Elbasy maqa­lasynyń ózektiligine toqta­lyp, ulttyq jańǵyrýdyń qazaq úshin qanshalyqty mańyzdy eken­­digin atap ótti. Keshegi Keńes dáýi­rinde ultqa jasalǵan qastandyq pen teris pıǵyldy saıasattyń zardaby áli de bolsa joıylmaǵanyn tilge tıek ete kelip, búgingi kúnniń de ózekti máselelerin kóterdi. Onyń ishinde týǵan jer, jershildik pen úsh tildi oqytý jáne jahandaný úderisine qatysty dúnıelerge jeke-jeke toqtaldy.
«Týǵan jer týsań da kerek, ósip-ónseń de kerek, ólseń de kerek. Ásirese, qazaq úshin. Baıa­ǵy­da alys saparǵa shyqsa aq­ty­ǵyn qanjyǵasyna baılap, tý­ǵan jerdiń bir ýys topyraǵyn túı­ip alyp ketetin qazaq edi ǵoı. О́t­ken­de shyǵarmashylyq saparmen Ger­manııanyń birneshe qalasyn araladym. Sonda musylman zıratynda jatqan Mustafa Shoqaıdyń zıratyna táý ettim. Qazaq jeri úshin qansha arpalyssa da týǵan jerdiń topyraǵy buıyrmady... Qandaı qasiret?.. Mine, týǵan jerdiń bıigi qandaı?.. Sonymen qatar, týǵan jer máselesin kótergende, týǵan jerdiń ekologııasyn qatar aıtýymyz kerek. Týǵan topyraq radıasııa zalalyna ushyrap, onyń zardabyn turǵylyqty halyq shegetin bolsa, bizdiń basqa baǵdarlamalarmen jasap jatqan «100 mektep», «100 aýrýhanamyz» bekershilik bolady. Týǵan jerge osy turǵydan, osy bıikten qaraýymyz kerek», − dedi Raqymjan Otarbaev.
Jazýshy óz sózinde týǵan jerdi qadirleý men jershildiktiń arajigin ajyrata almaı júrgenderdiń bar ekendigine de toqtalyp ótti.
«Qasym Amanjolovty bil­meı­tin qazaq joq. Biraq onyń toıyn tek Qaraǵandy ǵana toılaı­dy. Nege jastyq shaǵy ótken Oral­da, nege Semeıde nemese Qyzyl­orda men Shymkentte toılanbaı­dy?! Abaı tek Semeıdiń ǵana Aba­ıy ma? Qurmanǵazy men Dına tek Aty­raýǵa ǵana kerek pe? Biz ózimiz bólin­genimizben qoımaı, tulǵalary­myzdy da bólektep aldyq», dedi jazýshy. 
Kezdesý barysynda akademık E.Bóketov atyndaǵy Qaraǵandy mem­lekettik ýnıversıtetiniń do­senti Bektursyn Qalıev latyn qarpine aýysý máselesine qa­tys­ty baıandama oqydy. Til ma­ma­nynyń aıtýynsha, latyn qar­pine kóshýden qorqatyn eshteńe joq. О́ıtkeni, bizdiń aldymyzda baýyr­las túrki elderi ózderiniń qarip­terin aýystyrǵan bolatyn. Sol el­derdiń tájirıbesin negizge ala oty­ryp, álipbı ózgertýge bolady. Mu­nyń eshqandaı keri áseri joq. Qaıta ekonomıkalyq jáne ǵy­lymı turǵyda paıdasy kóp bolmaq.
Kezdesý aıaqtalǵan tusta Sáken Seıfýllın teatrynyń keń zalynda uıymdastyrylǵan kór­me jumysy tanystyryldy. Kór­mege Arqa jerinen tabylǵan ar­heologııalyq eskertkishter, mura­ǵat qujattary qoıyldy.
Osydan soń jazýshy Raqymjan Otarbaev Qaraǵandynyń bir top jas aqyn-jazýshylaryna óziniń kitaptaryn syılap, batasyn berdi. О́z kezeginde Arqa jurtshylyǵy jazýshyǵa alǵystaryn bildirdi.

Mıras Asan,
«Egemen Qazaqstan»

Qaraǵandy oblysy