Is-sharaǵa Qazaqstan, Qytaı, Qyrǵyzstan, Reseı, Tájikstan men О́zbekstan qorǵanys vedomstvolarynyń basshylary, ShYU Bas hatshysy jáne ShYU óńirlik lańkestikke qarsy qurylymy atqarýshy komıtetiniń dırektory qatysty.
Keńes barysynda halyqaralyq jáne óńirlik qaýipsizdiktiń ózekti máseleleri jóninde konstrýktıvti pikir almasý ótti. ShYU-ǵa múshe memleketter úshin zamanaýı qaýip-qater kezindegi basym mindet óńirdegi beıbitshilikti, qaýipsizdik pen turaqtylyqty saqtaý jáne nyǵaıtý bolyp tabylatynyn aıta ketken jón. Otyrysqa qatysýshylar ótken jylǵy yntymaqtastyqqa taldaý jasap, qorytyndysyn shyǵardy.
Odan basqa, ShYU elderiniń qorǵanys vedomstvolary arasynda ózara is-qımyldy ári qaraıǵy damytý perspektıvalary qarastyryldy. Onyń qorytyndysy boıynsha 2018-2019 jyldarǵa arnalǵan ShYU-ǵa múshe memleketter qorǵanys mınıs-
trlikteriniń yntymaqtastyq jospary bekitilip, tarıhı jáne mádenı murany zerdeleý jáne saqtaý aıasynda áskerı vedomstvolar arasyndaǵy nıettestik týraly hattamaǵa qol qoıyldy.
Shanhaı yntymaqtastyq uıymyna múshe memleketter qorǵanys mınıstrleriniń kelesi otyrysy 2018 jyly Qytaı Halyq Respýblıkasynda ótkiziledi dep josparlanýda.
Álısultan Qulanbaı,
«Egemen Qazaqstan»
