«Parlament sózi» syılyǵy tapsyryldy

Merekelik sharaǵa basshylyq etken Májilis Tóraǵasy kez kelgen qoǵamda jýrnalısterdiń orny erekshe ekenin atap ótti.
«Elbasymyz Nursultan Nazarbaev Táýelsizdik alǵan alǵashqy kúnnen bastap baspa­sóz salasynyń damýyna erekshe kóńil bólip keledi. Múm­­kin­diginshe, barlyq jaǵ­daı jasa­lyp jatyr. Sonyń nátı­jesin­de, bizdiń elimizdiń buqara­lyq aqparat quraldary tek Qazaqstanda ǵana emes, halyq­aralyq, tipti álemdik deń­geıde de jyldam aqparat alatyn jáne taratatyn deńgeıge kóterildi», dedi N.Nyǵmatýlın. 
Sondaı-aq, Tóraǵa qalamger qaýym kún demeı, tún demeı eńbek etip, táýelsiz Qazaqstanymyzdyń damýyna ólsheýsiz úles qosyp kele jatqanyn da tilge tıek etti. Sonyń ishinde, Parlament Májilisiniń zań qyzmetin búkil respýblıkaǵa, elimizdiń árbir azamatyna jetkizýde jýrnalısterdiń eńbegi ushan-teńiz ekendigin aıtty. 
Osy eseli eńbekke degen qurmet retinde ótken jyly palata Spıkeriniń tikeleı bastamasymen Májilis jýrnalısterge arnalǵan «Parlament sózi» syılyǵyn taǵaıyndaǵan bolatyn. Májilis Tóraǵasy atap ótkendeı, «Parlament sózi» ataýynyń da ózindik mán-maǵynasy bar.
«О́ıtkeni, sózge toqtaý, sózdi baǵalaý, sózdi qadirleý – bizdiń babalarymyzdan kele jat­qan qasıetti jol. Sizder osy úlken joldyń zamanǵa saı qalyptasqan aqparattyq-nası­hat baǵytyn alyp júrsizder. Son­dyqtan, sizderdiń búgingi eńbekterińiz – erteńgi tarıh», dedi N.Nyǵmatýlın.
Shara aıasynda jýrnalıster arasynda uıymdastyrylǵan osy baıqaýda úzdik dep tanyl­ǵandarǵa Parlament ǵıma­ratynyń beınesinde arnaıy jasal­ǵan músinder men dıplomdar tabys etildi. Atap aıtqanda, «Parlamenttik jýrnalıstıkany damytýǵa qosqan úlesi úshin» atalymy boıynsha «Halyq Keńesi» gazetiniń alǵashqy redaktory Sarbas Aqtaev  pen «Sovety Kazahstana» gazetiniń alǵashqy redaktory Iýrıı Tarakov, «Úzdik televızııalyq sıýjet úshin» atalymy boıynsha  «Qazaqstan» telearnasynyń tilshisi Indıra Asanova men «Habar» telearnasynyń tilshi­si Ashat Nııazov, «Úzdik baspa jarııalanymy úshin» nomınasııasy boıynsha «Aıqyn» gazetiniń tilshisi Aıhan Sháripov pen «Kazahstanskaıa pravda» gazetiniń tilshisi Laýra Túsipbekova marapattaldy. «Úzdik ınternet jáne radıo materıaly úshin» atalymyna «Zakon.kz» aqparat agenttiginiń tilshisi Oksana Skıban men Qazaq radıosynyń ujymy laıyqty dep tabylsa, «Arnaıy reportaj» atalymy «Astana» telearnasynyń tilshisi Aıgúl Shaıhımova men «Habar 24» telearnasynyń Jańalyqtar bólimine tapsyryldy. 
Aıryqsha atap ótetinimiz, «Úzdik beıne-sýret materıaly úshin» atalymy «Egemen Qazaqstan» gazetiniń fototilshisi Erlan Omarov pen «KTK» telear­nasynyń operatory Vladı­slav Vodnevke buıyrdy.
Esterińizge sala keteıik, «Par­lament sózi» syılyǵyn berý boıynsha arnaıy komıssııa qurylyp, oǵan Májilis depýtaty Qýanysh Sultanov jetekshilik etti. Jýrnalıster qaýymynan 80-ge jýyq materıal túsip, olar muqııat irikteýden ótkizilgen.

Nurlybek DOSYBAI,
«Egemen Qazaqstan»