Osy jyldyń 30 sáýiri men 7 mamyry aralyǵynda Tashkentte ótken Azııa chempıonatynyń qorytyndysynda Qazaqstan qurama komandasy 2017 jyly Gambýrgte ótetin álem chempıonatyna qatysý úshin 9 salmaq sanatynda lısenzııa jeńip alǵan.
Aıta keterligi, osy aıda Qazaqstan Boks federasııasyna AIBA-dan 49 keli salmaq sanatynda álem chempıonatyna qatysý quqyǵyn jeńip alǵan ındonezııalyq boksshy Kvangý Langý lısenzııadan bas tartqandyǵy týraly habar jetken bolatyn. Kvangý Langý men qazaqstandyq Jomart Erjan Tashkentte Gambýrgke joldama úshin judyryqtasyp, ındonezııalyq jeńip ketken edi. Erejege sáıkes boksshy jarysqa qatysýdan bas tartsa, onda lısenzııa reıtıngte kelesi turǵan boksshyǵa beriledi. Qazaqstan Boks federasııasy AIBA ótinishin qabyl alyp, ulttyq qurama komandamyzdyń múshesi Jomart Erjannyń 2017 jylǵy álem chempıonatyna qatysatyndyǵyn rastady. Osylaısha, Qazaqstan komandasy aldaǵy álem chempıonatynda barlyq salmaq sanaty boıynsha jarys jolyna shyǵady.
Qazirgi ýaqytta Jomart kúsh jınaýda. Gambýrgke deıin elimizdiń qurama komandasy 2 jıyn ótkizedi. Onyń biri 12 shilde kúni Almaty oblysyndaǵy Búkilálemdik boks akademııasynda bastalyp ketti. Ekinshi oqý-jattyǵý jıyny 10 tamyz kúni Astanada bastalady.
