Foto: Depositphotos.com
Almaty qalasy ákimdigi taratqan aqparatqa sáıkes, tótenshe jaǵdaı rejımi zańnamada belgilengen tártippen, turǵyndardyń kóptep júginýi men halyqty aýyzsýmen qamtamasyz etýdiń áleýmettik mańyzyn eskere otyryp engizilgen.
Ákimdik túsindirgendeı, tehnogendik sıpattaǵy tótenshe jaǵdaı jarııalaý múmkindigi «Azamattyq qorǵaý týraly» zań normalarynda qarastyrylǵan. Atalǵan zańnyń 4 jáne 48-baptaryna sáıkes, halyqtyń densaýlyǵyna qaýip tóngende, qalypty tirshilik jaǵdaıy buzylǵanda nemese tirshilikti qamtamasyz etý nysandary men jelilerinde, sonyń ishinde sý júıelerinde apat bolǵan jaǵdaıda osyndaı rejım engiziledi.
Amerıkany aqtútek boran basty: 139 myń adam jaryqsyz qalyp, tótenshe jaǵdaı jarııalandy
Qabyldanǵan sheshim aıasynda ınjenerlik jelilerdi jańǵyrtý jáne qaıta jańartý, sý basý qaýpi bar aýmaqtarda aldyn alý sharalaryn júrgizý, sondaı-aq joldardyń jekelegen ýchaskelerinde, onyń ishinde taý bókterindegi aımaqta táýekelderdi azaıtý jumystary josparlanyp otyr.
Jaýapty qurylymdar jaǵdaıdy turaqtandyrý jáne turǵyndardy sapaly aýyzsýmen qamtamasyz etý baǵytynda tıisti sharalardy qolǵa alǵan.
Tótenshe jaǵdaılar kezinde volonterlik kómek júıesi nyǵaıtylady
