Foto: 2gis
Oqıǵa 6 mamyr kúni tańǵy saǵat 09.00 shamasynda bolǵan. Qazaq ulttyq pedagogıkalyq ýnıversıtetiniń stýdenti segizinshi qabattan qulaǵan. Marqum «Fılosofııa» bilim berý baǵdarlamasy boıynsha memlekettik grantta oqyǵan.
Ýnıversıtet málimetinshe, stýdent oqý jyly ishinde psıhologııalyq kómekke júginbegen, mamandarǵa qaralmaǵan. Sondaı-aq onyń psıhologııalyq jaǵdaıyna qatysty qandaı da bir shaǵym nemese alańdatatyn belgi tirkelmegen. Oqytýshylardyń aıtýynsha, ol sabaqty jaqsy oqyǵan, tártiptik eskertý almaǵan.
Oqý ornynyń basshylyǵy marqumnyń otbasymen kezdesip, kóńil aıtyp, qajetti jan-jaqty qoldaý kórsetýge daıyn ekenin bildirdi.
Jappaı tóbeles: Almatydaǵy eki jasóspirimniń óliminen keıin qylmystyq is qozǵaldy
Qazir oqıǵanyń mán-jaıy anyqtalyp jatyr, tıisti tekserý men tergeý amaldary júrgizilýde. Ýnıversıtet ókilderi oqıǵanyń emtıhan sessııasymen baılanysty emes ekenin atap ótti. Stýdenttiń úlgerimi jaqsy bolǵan, alaıda sol kúni josparlanǵan emtıhanǵa kelmegen.
Almaty qalalyq polısııa departamentiniń málimetinshe, Medeý aýdandyq polısııa basqarmasy atalǵan derek boıynsha qylmystyq is qozǵady. Qazirgi tańda oqıǵanyń sebepteri men barlyq jaǵdaılary anyqtalyp jatyr.
