Almaty oblysynda joldyń bir bóligi opyrylyp tústi

30 ret

kórsetildi

1 mın

oqý úshin

6 mamyr kúni tańerteń Almaty oblysy Eńbekshiqazaq aýdanynda joldyń opyrylý faktisi tirkeldi. Áleýmettik jelilerde taraǵan vıdeodan joldyń ortasynda tereńdigi 2-3 metr bolatyn úlken shuńqyr paıda bolǵany anyq kórinedi, dep habarlaıdy Egemen.kz.

Baıan SÚLEIMENQYZY

Almaty oblysynda joldyń bir bóligi opyrylyp tústi

Foto: Vıdeodan alynǵan kadr

Belgili bolǵandaı, bul jer 1960 jyldary «Esik dendrologııalyq parki» bolǵan. Ol kezde munda ártúrli aǵashtar men ósimdikter ósirilgen. Keıin aýmaq beton plıtamen jabylyp, ústi topyraqpen tegistelgen.

Almaty áýejaıyn sý basty: Mekeme basshylyǵyna qandaı shara qoldanylady?

2009 jyly bul aýmaq jeke turǵyn úı qurylysy úshin jer telimderi retinde berilip, ýaqyt óte kele eldi meken qalyptasqan. Alaıda beton plıtanyń buzylýyna baılanysty jer qabaty shógip, sonyń saldarynan jolda opyrylý paıda bolǵan.

Qazirgi ýaqytta jol eki jaqtan da jabylyp, kólik qozǵalysy úshin aınalma jol uıymdastyrylǵan. Qozǵalysta aıtarlyqtaı kedergi joq. Sondaı-aq qalpyna keltirý jumystary qolǵa alynǵan.

Jappaı tóbeles: Almatydaǵy eki jasóspirimniń óliminen keıin qylmystyq is qozǵaldy

Buǵan deıin áleýmettik jelilerde jergilikti turǵyndar jol ortasynda paıda bolǵan úlken shuńqyrdyń sýretterimen bólisken edi. Oqıǵa kezinde jolda kólikter bolmaǵandyqtan, adam shyǵyny tirkelmegen.