Foto: Ashyq derekkóz
Orta Azııa elderiniń myńdaǵan azamattary Qurban aıt merekesine oraı úılerine asyǵyp jatyr, bul jaǵdaı kólikterdiń jınalýyna ákeldi.
Reseı jaǵynan Aktóbe oblysyna baǵyt alǵan kólikterdiń uzyn kezegi paıda bolǵan. Shekaradan ótýdi qalaıtyn adamdarǵa uzaq ýaqyt kútýine týra kelip otyr. Otandyq qyzmetter buǵan ózderiniń kinási joq ekenin aıtady. Olardyń aıtýynsha, qıyndyq Reseı jaǵyndaǵy aýmaqta týyndaǵan. Sonymen qatar kólik aǵynynyń kóbeıýine mereke aldyndaǵy tasymal da áser etip otyr. Keıbir jolaýshylar uzaq kútýge shydamaı, kólikterin tastap ketýge májbúr bolyp otyr. Olar shekarany jaıaý kesip ótip, arǵy betten taksı alyp joldaryn jalǵastyryp jatyr. Mamandardyń aıtýynsha, ótkizý beketi jaqyn ýaqytta bosatylady.
«Atalǵan kólik keptelisi Reseı Federasııasy jaǵynda baıqalyp otyr jáne eń aldymen Ortalyq Azııa elderinen kelgen eńbek mıgranttarynyń Qurban aıt merekesine baılanysty otanyna qaıtýymen baılanysty. Sondaı-aq keptelistiń sebebi júk jáne jeńil kólikter úshin bólek jolaqtardyń bolmaýy», dep habarlady Aktóbe oblysy boıynsha Memlekettik kirister departamenti.
