Foto: istockphoto.com
Mektep bitirýshiler sándi keshterdiń ornyna ıgi isterdi tańdaǵan. Olar ózderiniń eń mańyzdy kúninde «Jan álemi» otbasylyq reabılıtasııalyq úıine, balalarǵa arnalǵan ǵylymı ortalyqqa, №2 mamandandyrylǵan balalar úıine jáne qıyn jaǵdaıda qalǵan kópbalaly otbasyna kómek kórsetken.
Bir aıdan soń mektep bitirý keshi ótedi: Qymbat kesh − mártebe me, ysyrap pa?
Túlekter atalǵan mekemelerge oıynshyqtar, keńse taýarlary, azyq-túlik ónimderi jáne turmystyq tehnıka retinde teledıdar tabys etken. Bul kómek áleýmettik turǵydan álsiz toptarǵa qoldaý kórsetýge baǵyttalǵan.
Uıymdastyrýshylardyń aıtýynsha, mundaı formattaǵy bitirý keshi jastardyń qoǵamǵa degen jaýapkershiligin arttyryp, qaıyrymdylyq mádenıetin damytýǵa yqpal etedi.
Sońǵy qońyraý: Elimizde 215 myńnan astam túlek mekteppen qoshtasty
Igi bastama áleýmettik jeli qoldanýshylary arasynda keń qoldaý taýyp, kópshilik túlekterdiń adamgershilik pen janashyrlyǵyna tánti boldy.
Aıta keteıik, buǵan deıin atalǵan máselege qatysty Májilis depýtaty Ashat Aımaǵambetov pikir bildirip, elimizdegi kóptegen merekeniń áldeqashan «dańǵoılyq jármeńkesine» aınalyp ketkenin aıtqan bolatyn. Depýtat keıbir otbasylardyń bitirý keshine 300 myńnan bastap, bir mıllıon teńgege deıin suralatynyna shaǵymdanatynyn aıtty.
Bıyl oqý jylyn aıaqtaǵan oqýshylar sany sońǵy 25 jyldaǵy eń joǵary kórsetkishke jetti
