Jıynǵa redaksııa alqasy tóraǵasynyń orynbasary, Ulttyq mýzeı dırektory Berik Ábdiǵalıuly, redaksııalyq alqa músheleri – Sh.Sh. Ýálıhanov atyndaǵy Tarıh jáne etnologııa ınstıtýtynyń bas dırektory Zııabek Qabyldınov, «Ulttyq aýdarma bıýrosy» qorynyń atqarýshy dırektory Raýan Kenjehanuly, Ǵylym jáne joǵary bilim mınıstrligi Ǵylym komıteti tóraǵasynyń orynbasary Jaıyq Toqtarov qatysty.
Memlekettik keńesshige «Qazaqstan tarıhy: ejelgi dáýirden búginge deıin» atty akademııalyq basylymnyń alty tomyn baspaǵa ázirleý barysy týraly esep berildi. Atalǵan jınaq redaksııa alqasynyń buǵan deıingi toǵyz otyrysynda qarastyrylyp, bekitilgen.
Sondaı-aq keńeste aldaǵy maýsym aıynyń basyna josparlanǵan redaksııalyq alqanyń kezekti jıynyn uıymdastyrýǵa qatysty máseleler talqylandy. Basqosýda akademııalyq basylymnyń Táýelsiz Qazaqstan kezeńine arnalǵan qorytyndy jetinshi tomy qaralady.
