Búgin Memlekettik keńesshi Erlan Qarınniń tóraǵalyǵymen Qazaqstan Respýblıkasy Prezıdenti janyndaǵy Azamattyq máseleleri jónindegi komıssııanyń kezekti otyrysy ótti.
Jıynda Qazaqstan azamattyǵyna qabyldaý jáne odan shyǵarý máseleleri qaraldy.
Otyrys qorytyndysy boıynsha Memleket basshysyna 305 adamdy Qazaqstan azamattyǵyna qabyldaý týraly usynys engiziledi.
Sondaı-aq komıssııa 43 adamnyń azamattyqtan bas tartý týraly ótinishin qanaǵattandyrýdy usynbaq.
Jıyn barysynda Memlekettik keńesshi Qazaqstan azamattyǵynan shyǵýǵa nıet bildirýshiler sanynyń azaıý úrdisi sońǵy jyldary turaqty túrde saqtalyp otyrǵanyn atap ótti.
Máselen, keıingi segiz jylda azamattyqtan bas tartýǵa berilgen ótinishter sany shamamen 40 ese qysqarǵan. Atap aıtqanda, 2019 jyly 1,7 myń adam azamattyqtan shyqsa, 2020 jyly – 944, 2021 jyly – 123, 2022 jyly – 114, 2023 jyly – 107, 2024 jyly – 77, 2025 jyly – 68, al bıyl 43 adam azamattyqtan bas tartqan.
Bul otandastarymyzdyń memlekettiń turaqty damýyna jáne Prezıdenttiń áleýmettik-ekonomıkalyq ári saıası baǵdaryna senimi joǵary ekenin kórsetedi.
Muny Prezıdent janyndaǵy Qazaqstan strategııalyq zertteýler ınstıtýtynyń 2026 jylǵy sáýirde júrgizgen áleýmettik saýalnama nátıjeleri de rastap otyr. Saýalnamaǵa sáıkes, azamattardyń 84,4 paıyzy elimiz durys baǵytta damyp kele jatyr dep sanaıdy.
