Jumyspen qamtýdy úılestirý jáne áleýmettik baǵdarlamalar basqarmasy jyl basynan beri aı saıyn týberkýlezben aýyratyndarǵa azyq-túlik alý úshin qarjy bólip keledi, biraq jergilikti bıýdjetten bólingen qarajatty naýqastar tıimsiz paıdalanatyny belgili bolǵan.
– Ol qarajatty syrqattar tıisti maqsatqa paıdalanbaıtyny jóninde aqparat bar. Onyń ornyna nesıe tóleıdi, tipti ishimdik pen temekige jumsaıdy. Áleýmettik aýdarymdardy azyq-túlik sebetine aýystyrý máselesin kóterý kerek, sol kezde syrqattarǵa kómek te eleýli bolady, – dedi Nurlan Noǵaev.
Oblys ákiminiń orynbasary Aıgúl Ájiǵalıevanyń aıtýynsha, aımaqtyń bıýdjettik kodeksinde halyqtyń osal toptaryna azyq-túlik sebetin berý qarastyrylmaǵan. Oblystyq týberkýlezge qarsy kúres dıspanseriniń bas dárigeri Pavlodar oblysynda qurt aýrýymen aýyratyndarǵa densaýlyqqa paıdaly taǵamdar beretin áleýmettik ashana baryn mysalǵa keltirdi.
Májilis sońynda jınalǵandar kezekti úılestirý keńesteriniń birine Pavlodar oblysynyń úlgisimen áleýmettik aýdarymdy azyq-túlik sebetine aýystyrý týraly másele qoıýdy uıǵardy.
Aıta keteıik, Atyraý oblysynda jyl basynan beri 795 adam 22 600 teńge mólsherinde áleýmettik tólem alady. Osy maqsatqa jergilikti bıýdjetten 70 mıllıon teńgege jýyq qarajat bólingen.
