QR Ulttyq mýzeıiniń ekskýrsııalyq qyzmet kórsetý bóliminiń ádiskeri Áıgerim Ámiralıevanyń aıtýynsha, búgingi kúni mýzeıde 20-ǵa jýyq ekskýrsııa júrgizýshi bar.
«Halyqaralyq deńgeıdegi mýzeı bolǵandyqtan, birneshe shettilin jetik biletin mamandar qabyldandy. Eki-úsh aı boıy taǵylymdamadan ótkizgen soń, úzdikteri jumysqa alyndy. Ekskýrsııa júrgizýshiler qazaq, orys tilderinen bólek aǵylshyn, túrik, qytaı jáne fransýz tilderinde ekskýrsııa júrgizedi», – dedi ol.
Sondaı-aq, ádisker kelýshiler ekskýrsovodty ózderi tańdaı alatynyn aıtty. Mýzeıdiń birinshi qabatynda barlyq ekskýrsovod mamandar týraly aqparat jazylǵan.
«Mýzeıge kelgen sheteldikter atalǵan aqparattyq anyqtamalyqtan ekskýrsııany qaı tilde tyńdaǵysy kelse, sol tildi meńgergen ekskýrsovodty tańdaı alady. Ekskýrsııanyń akademııalyq saǵaty 45-60 mınýt aralyǵyn quraıdy», – dedi Á. Ámiralıeva.
