Qazaqstan Respýblıkasynyń Memlekettik hatshysy Gúlshara Ábdiqalyqovanyń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótti.
Otyrysty ashqan G. Ábdiqalyqova Memleket Basshysynyń bilimniń rýhanı jańǵyrý kezinde zııatkerlik qoǵam qalyptastyrýdaǵy mańyzdy rólin belgilegenin atap ótti. Memlekettik hatshy «Bolashaq» stıpendııasy konkýrsynyń irikteý kezeńinde el damýynyń basymdylyqtaryna negizdele otyryp, jobalar men ǵylymı zertteýlerdiń mazmunyn eskerý kerek ekenin tilge tıek etti. Iske asyrylatyn jobalardyń, ásirese, taǵylymdamalar baǵdarlamalarynyń irgeli jáne qoldanbaly mánine erekshe nazar aýdarý kerek.
Komıssııa sheshimi boıynsha magıstratýra jáne doktorantýra baǵdarlamalary boıynsha 270 úmitkerge, sondaı-aq «Taǵylymdamalar» sanaty boıynsha 39 stıpendıatqa taǵaıyndaldy. Olardyń ishinde 22 adam «AHQO qyzmetkerleri» sanaty jáne 17 adam «Ǵylymı qyzmetkerler» sanaty boıynsha. 2017 jyly 600 stıpendııa bólindi.
Jalpy 2017 jyly «Bolashaq» halyqaralyq stıpendııasyn taǵaıyndaý úshin konkýrstyq irikteýge 947 úmitker qatysty.
Sonymen qatar, otyrys barysynda Komıssııa sheshimimen 2018–2025 jyldarǵa arnalǵan «Bolashaq» halyqaralyq stıpendııasyn damytý jospary jáne 2018 jylǵy Basym mamandyqtar tizbesi qabyldandy. 2018 jylǵy stıpendııalardyń shekti sany 555 oryndy quraıdy.
Otyrys qortyndysy boıynsha Qazaqstan Respýblıkasynyń Memlekettik hatshysy G.N.Ábdiqalyqova «Bolashaq» halyqaralyq stıpendııasyn iske asyrý jóninde birqatar tapsyrma berdi.
Stıpendııa ıegerleriniń tizimin myna jerden kóre alasyzdar.
