- Bizdiń komanda taǵy da qazaq fýtbolynyń tarıhyna túzetý engizdi. Meniń shákirtterim búgin qaharman degen ataqqa laıyq. Ekinshi taımda kishigirim máseleler bolǵanymen, senimimdi aqtap berdi. Barlyqtaryńyzdy quttyqtaımyn.
- Ekinshi taımda bizdiń komanda kóbinese baıaý shabýyldady. Siz úzilis kezinde jigitterge osyndaı nusqaý berip pe edińiz?
- Iá árıne, ekinshi taımda fýtbolshylar kóp ýaqyt sozyp, qaptal arqyly shabýyldaı tústi. Kóbirek standarttyq jaǵdaılar jasadyq. Barlyǵyn baıaý jasaýǵa tyrystyq. Bizge ýaqytty sozý mańyzdy boldy. Mundaı deńgeıge jetý úshin osylaı oınaýǵa májbúr edik. Túbi nátıjege jetkenimizge qýanyshtymyz. Men Qazaqstanǵa kelgeli beri komanda ájepteýir kóterildi dep aıta alamyn. Birneshe fýtbolshynyń deńgeıi anaǵurlym óskenin baıqadym. Endi Qazaqstannyń fýtbol klýbyn barlyǵy da biletin bolady dep oılaımyn.
- «Slavııa» bapkeri osy oıynnan keıin ornyn bosatady deıdi. Ornyna Sizdi shaqyrsa kelesiz be?
- «Slavııanyń» bapkeri ádeıi utylǵan joq. Másele bapkerde emes. Shılgavyny alyp tastasa bul úlken qatelik bolar edi. Bir jeńilisten tragedııa jasaýdyń keregi shamaly. «Slavııa» keremet stadıony, jaqsy jankúıeri bar, bolashaǵy zor ujym. Sondyqtan da, sáttilik tileımin.
- Apta buryn Chehııaǵa kelip jattyqqandaryńyz kómegin tıgizdi me?
- Apta buryn kelgendegi jattyǵýlarymyz jaqsy áserin berdi. Saǵat beldeýine úırendik, bir apta boıy osy alańda jattyqtyq. Fýtbolshylarǵa osy jaǵy kómektesti. Men fýtbolshylarmen dostyq kóńilde áńgimelestim. "Sender odan ary qaraı ótkileriń kele me?" dep suradym. Olar birden "Iá" degen jaýap berdi. Sodan beri biz qoldan kelgen jattyǵýlardyń barlyǵyn jasap kórdik. Mine, sonyń nátıjesin ózderińiz kórip otyrsyzdar. Bul uzaq jasalǵan eńbektiń jemisi.
- Kelesi jylǵy oıynǵa deıin «Astananyń» qaı pozısııasyn kúsheıtý kerek dep esepteısiz. Sonymen qatar, ulttyq quramaǵa shaqyrsa kelesiz be?
- Bul komandany jasaqtaý ońaı bolǵan joq. ÝEFA bizge transfer jaǵynan shekteý qoıdy. Fýtbolshylardy tek jalǵa ǵana alýǵa múmkindigimiz boldy. Bir-eki sheptegi jigitterdi aýystyrý kerek te shyǵar. Ony qarjylyq jaǵdaıǵa baılanysty sheshemiz. Al ulttyq quramanyń qandaı oıy bar ekenin men bilmeımin. Eger shaqyrsa men oılanyp kóremin. Sebebi, mende odan ózge de usynystar bar. Men kóńilime qaısysy jaǵady sony tańdaımyn.
- Pleı-off satysynda qandaı qarsylasty qalaısyz?
- Ázirge men pleı-offta qandaı komandalar bar ekenin de bilmeımin ǵoı. Jerebede árqashan ótýge bolatyn komandalardyń túskenin qalaımyn. Dál qazir men demalysty jáne fýtbolshylardyń jaǵdaıyn oılaımyn. Qalǵanyn kóre jatarmyz. Qansha jerden myna qarsylas tússe eken degenimen ol túse qoımaıdy.
Ermuhamed Máýlen
