Soǵan oraı qazaq bıler sotynyń damýy men qurylý tarıhyn zerttep, mádenı jáne quqyqtyq tarıhı murany saqtaý arqyly jastardyń boıynda memleket jáne quqyq tarıhyna degen syı-qurmet qarym-qatynasyn, maqtanysh jáne patrıotızm sezimin qalyptastyrý maqsatynda Aqmola oblystyq soty Sh.Ýálıhanov atyndaǵy Kókshetaý memlekettik ýnıversıtetimen birlesip, «Qazaq dalasynyń bıler soty – egemendi elimizdiń sot-quqyq júıesiniń negizi» taqyrybynda ǵylymı-tájirıbelik konferensııa ótkizdi.
Joǵarǵy sottyń sýdıasy Ádil Quryqbaev konferensııanyń ashylýynda Joǵarǵy sot tóraǵasy Qaırat Mámıdiń konferensııa qatysýshylaryna arnaǵan quttyqtaý sózin oqyp berdi. Onda ultymyzdyń qadir-qasıetin aıqyndap turǵan tilimizdi ulyqtap, halqymyzdyń ádet-ǵuryp, salt-dástúrin saqtaǵanda ǵana elimiz rýhanı jańǵyryp, «ulttyq kodymyz» nyǵaıa túspek oıy aıtylyp, «Bı babalarymyzǵa tán ımandylyq, adaldyq, ádildik, týrashyldyq prınsıpin quqyq qorǵaý organdarynyń ókilderi men sýdıalardyń myqtap ustanǵany abzal», dep atap kórsetildi. О́ıtkeni Memleket basshysy óziniń «Bolashaqqa baǵdar: rýhanı jańǵyrý» baǵdarlamalyq maqalasynda «Ulttyq kod, ulttyq mádenıet saqtalmasa, eshqandaı jańǵyrý bolmaıdy» degen edi.
Al Aqmola oblystyq sotynyń tóraǵasy Dosjan Ámirov, konferensııa jumysyn jalǵastyra otyryp, Elbasynyń baǵdarlamalyq maqalasynyń negizgi erejelerin iske asyrý maqsatynda, ǵalymdar, tarıhshylar, fılologtar, til mamandary, oblys aqsaqaldary men sýdıalar birigip qazaq bıler sotynyń tarıhyn zertteý boıynsha jumystar júrgizgenin atap ótti. «Bıler soty – bul tek qana quqyqtyq ınstıtýt ǵana emes, bul tarıhı jáne mádenı mura bolyp tabylatyn halyq pen memleketti basqarýdaǵy dana ınstıtýt. Urpaqtan urpaqqa qundy tájirıbeni saqtap, jetkizý qajet» – dedi Dosjan Ámirov.
Ǵylymı-tájirıbelik konferensııada ǵalymdar, sot júıesiniń ardagerleri jáne sýdıalar sóz sóıledi. Aqmola oblystyq sotymen ázirlengen «Qazaq dalasynyń bıler soty» atty beınefılm kórsetildi. Nátıjesinde, qatysýshylar memlekettik, jergilikti atqarýshylyq jáne quqyq qorǵaý organdarynda, sot júıesinde, joǵarǵy oqý oryndarynda iske asyrýǵa usynylǵan qarardy qabyldap, sonymen qatar, Prezıdent N.Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynyń qaǵıdalaryn júzege asyrý boıynsha vedomstvoaralyq jospar qurdy. Sol arqyly bul ótkizilgen konferensııa «Rýhanı jańǵyrý» negizinde aldaǵy ýaqytta da ótkiziletin barlyq is-sharalarǵa bastama bolyp tabylatyndyǵy aıtyldy.
«Egemen-aqparat»
