- Mardan qola júlde qutty bolsyn! Bıylǵy maýsymdy qorytyndylasaq. Qolany qanaǵat tuttyńyzdar ma álde odan da jaqsy nátıjege jetýge bolar ma edi...
- Quttyqtaýyńyzǵa kóp rahmet. Klýb basshylarynyń maýsym aldynda qoıǵan talaptaryn oryndadyq dep oılaımyn. Árıne, ońaı bolmady. Qazirgi qazaq fýtbolynda «Astana» men «Qaıratqa» qaırat kórsetý qıyn. Qos klýbtyń qarjylyq múmkindigi, quramyndaǵy fýtbolshylardyń deńgeıi, áleýeti qalǵan komandalardan áldeqaıda artyq. Muny moıyndaýǵa tıispiz. Bizge «Ertis» pen «Tobyldy» tize búktirý mańyzdy boldy. Barlyq oıyndarda múmkindiginshe upaı joǵaltpaýǵa kúsh saldyq. Shúkirshilik etemiz. Qolaǵa qol jetkizgenimiz áýeli qoldaý kórsetken qalyń jankúıerlerimizdiń arqasynda.
- Degenmen, «Ordabysy» Europe league irikteý kezeńinde sátsiz oınady. Byltyr da solaı bolǵan. Sebebi nede dep oılaısyń?
- Ras. Sátsiz oınadyq. «Shırokı Brıeg» komandasyn ótýge tıis edik. Sonshalyqty myqty qarsylas emes tuǵyn. Fýtbol bolǵan soń jeńis te jeńilis te qatar júredi. Keler maýsymda bul sátsizdikti boldyrmaýǵa tyrysamyz. «Astana» komandasy sekildi qazaq jankúıerlerin jetistikterimizben qýantqymyz keledi.
- «Astana» demekshi, elordalyq klýbtyń jetistikterin qalaı baǵalaısyz. Basqa komandalarymyzǵa Eýropa alańdaryna joǵarǵy deńgeıde oınaýǵa ne kedergi?
- Birinshiden elordalyq ujymdy Europe league kelesi kezeńine ótýimen quttyqtaımyn. Keremet jetistik. «Slavııamen» bolǵan oıyndy kórdik. Jankúıer boldyq. Qazaq komandasy myqtylardyń qataryna qosylǵanyna qýandyq. Qazaq fýtbolynyń tarıhynda osyndaı úlken jeńister kóp bolsyn.
Ekinshiden, bul basqa komandalarymyzǵa serpin beredi dep oılaımyn. «Qaıratty» da bolashaqta bıikterden kóretinimiz anyq. Bizde qarap qalmaımyz. Bizdiń aýylda da úlken toılar bolady dep úmittenemin. Sol maqsatta bar kúsh-jigerimizdi salýǵa daıynbyz. О́tken oıyndardan qorytyndy shyǵaryp, keler jyly barynsha bıik belesterdi baǵyndyrýǵa jumys isteımiz.
- Sáttilik tileımiz. Mardan, endi jeke ózińizdiń oıyndaryńyzǵa toqtalsaq. Maýsymda 26 oıyn ótkizip, 4 gol soqtyńyz. Oıyndaryńyzǵa kóńilińiz tolady ma?
- Birjaqty jaýap berý qıyn. Sátti de, sátsiz de kezdesýler boldy. Negizi, qalaı oınaǵanymnyń naqty baǵasyn fýtbol jankúıerleri beredi dep oılaımyn. Bapker men jankúıerlerdiń seniminen shyǵý úshin oınaımyz. Jeke óziminiń kórsetkishterimdi emes, komandamyzdyń jeńisin basty nazarda ustaımyn. Eger múkindik bolyp jatsa, gol soǵýǵa da tyrysamyn.
- Mardan barlyq goldaryńdy aıyp dobyn oryndaý arqyly soǵypsyń. Keremet. Aıyp dobyn soǵýdyń syrlarymen bólisseń? Arnaıy jattyǵý jasaıtyn bolarsyń...
- Syry joq (kúlip). Jasyrmaımyn, jattyǵýdan soń, ózim qalyp jarty saǵattaı daıyndyǵymdy pysyqtaımyn. Jalpy, jattyǵýsyz eshqandaı nátıjege qol jetkizý múmkin emes. Menińshe, barlyǵy eńbektiń arqasynda keledi. Sondyqtan sheberligimdi arttyrý úshin qosymsha eńbektenemin.
- Táýelsizdik kúni eń basty merekemiz. Fýtbol jankúıerlerine tilegińiz bar shyǵar. Jańa jylda jaqyndap keledi.
- Barlyq qazaqstandyqtardy ulyq merekemen quttyqtaımyn. Elimiz aman, halqymyz tynysh bolsyn. Memleketimiz úlken jetistikterge jete bersin. Keler jyly úlken jetistikter jete bereıik. Gazetterińizdiń oqyrmandary kóp bolsyn!
Áńgimeńizge rahmet
Erkebulan Jomart
