Vıse-mınıstrlerdiń aıtýynsha, elimizdiń aýyl sharýashylyǵy salasy memleket basshylyǵynyń erekshe nazarynda tur. Osyǵan saı salany damytý baǵytynda sońǵy kezderi birneshe qujattar qabyldandy. Sonyń biri – Agroónerkásiptik keshendi damytý kartalary. О́kinishke oraı, jýrnalısterdiń birqatary bul kartalardyń máni men mańyzyn, jalpy aýyl sharýashylyǵy salasynda júrip jatqan ózgeristerdi tolyq túsinip bolmaǵan sekildi. Sebebi, buqaralyq aqparat quraldarynda jarııalanyp jatqan keıbir habarlar men maqalalarda qate túsinikter de kezdesip qalady.
Sondyqtan semınardyń basty maqsaty jýrnalısterge keń kólemdi aqparat bere otyryp, júrgizilip jatqan jumystar boıynsha Aýyl sharýashylyǵy mınıstrliginiń ustanymyn túsindirý bolyp otyr.
Vıse-mınıstrler aýyl sharýashylyǵynyń árbir baǵyty boıynsha qabyldanyp otyrǵan kartalarda kóterilgen máseleler, salada qalyptasqan problemalar men olardy sheshý joldary týraly áńgimeledi. Semınar jýrnalıster suraqtaryna jaýap berý jáne erkin pikir almasý túrinde órbidi. Semınarǵa Aýyl sharýashylyǵy mınıstrleri ókilderiniń jaqsy daıyndyqpen kelgeni ańǵaryldy. Vıse-mınıstrler semınar barysynda «Egemen Qazaqstan» gazetiniń jýrnalısi kótergen máselelermen kelise otyryp, osy boıynsha mınıstrliktiń qolǵa alyp jatqan jumystaryn jan-jaqty baıandap berdi. О́zderiniń jýrnalıstermen mundaı semınardy odan ári jalǵastyrýǵa, pikir almasýǵa daıyn ekendikterin bildirdi.
Suńǵat ÁLIPBAI,
«Egemen Qazaqstan»
