Atap aıtqanda, Sharyn aýyly janynan salynyp jatqan avtoban qurylysy jáne qurǵatqysh kanaldar men aryq júıeleriniń lastanýy, tazalanbaýy jerasty sýlary deńgeıiniń kóterilýi saldarynan aýylsharýashylyq egistik jerlerdiń jaramsyz bolyp qalý qaýpi aıtyldy. Sonymen qatar bul jaǵdaı aýyldarǵa da qater tóndire bastaýda. Atap aıtsaq, Sharyn aýylynda ótken jyly úsh úı jerdiń sazdanýy saldarynan qulap qalǵan. Aýyldaǵy basqa úılerge de áseri tııýde. Eger tez arada qurǵatqysh kanaldy kúrdeli jóndeýden ótkizbese bul aýyr jaǵdaıǵa ákep soqtyratyny anyq.
Osy saladaǵy mamandar mańaıdaǵy jerasty sýlarynyń kóterilýi keleshekte topyraqtyń tuzdanyp, egistikke zııan keltirýine áser etýi múmkin deıdi.
Aýdandaǵy jerasty jyly sýlaryn baqylaýsyz paıdalaný artezıan uńǵymalaryndaǵy qysymnyń tómendeýine ákep soqtyrýda. О́tken jylǵy Qyrǵyzsaı men Súmbe aýyldaryndaǵy sel, taý ózenderindegi sý kóleminiń azaıýy osynyń aıǵaǵy. Sondyqtan demalys aımaǵynda jańa artezıan uńǵymalaryn burǵylaýdy ýaqytsha toqtatý qajet. Jumys istep turǵan uńǵymalardyń gıdrogeologııalyq kartasyn jasap, eksplýatasııalyq shyǵyndardy eseptep, árbir sharýashylyqqa jyly sýlardy qolaıly paıdalanýdyń usynymyn bekitý kerek.
Osyǵan oraı, atalǵan máseleni tezdetip qolǵa alýdy, ıaǵnı keshendi túrde gıdrogeologııalyq ǵylymı zertteý júrgizip, máseleniń mán-jaıyn anyqtaýdy surap, men Úkimet basshysy Baqytjan Saǵyntaevtyń atyna depýtattyq saýal joldadym. Aldymyzda kóktem jaqyn qalǵandyqtan, aýyl turǵyndarynyń osy máselesin erterek sheshken jón bolar edi.
Meniń depýtattyq saýalymdy qoldap, birneshe áriptesterim de qol qoıdy, – deıdi depýtat.
Shaımardan Nýrýmov,
Májilis depýtaty
