Is-shara Memleket basshysynyń «Bolashaqqa baǵdar: rýhanı jańǵyrý» atty úndeýi negizinde uıymdastyrylǵan «Qazaqstannyń 100 jańa esimi» jobasynyń aıasynda uıymdastyrylyp otyr. Kórmede atalǵan báıgeniń jeńimpazdarynyń sýretteri men olardyń atqarǵan jumysy men ómirbaıany týraly qysqasha maǵlumat beriledi.
Fotokórme ótken jyly 1 jeltoqsan kúni «Qazaqstandaǵy 100 jańa esim» jobasy jeńimpazdarynyń basyn biriktirgen forýmda, Elbasynyń jeńimpazdarmen kezdesýi barysynda kórsetilgen bolatyn. Jobanyń maqsaty - táýelsiz Qazaqstannyń damýyna eleýli úles qosqan biraq halyqqa tanylmaǵan jańa esimderdi elge tanystyrý jáne jetistikke jetken ómirbaıandaryn pash etý.
«Qazaqstannyń 100 jańa esimi» 2017 jyly Elbasy Nursultan Nazarbaevtyń bastamasy boıynsha halyqqa keńinen tanylmaǵan biraq belgili bir salada eleýli jetistikterge jetip, memleketimizidiń damýyna aýqymdy úles qosqan azamattardy taýyp, olardyń úlgi bolarlyq jumysyn dáripteý maqsatynda júzege asyrylǵan. Báıgege elimizdiń túkpir-túkpirinen túrli mamandyq ıeleri qatysyp, eń myqty degen 100 adam ashyq onlaın daýys berý arqyly iriktelip alynǵan. 18 naýryzda saǵat 14:00-de «Qazaqstannyń 100 jańa esimi» jobasynyń qatysýshylary kelip ózderiniń jobalary jáne keleshek josparlarymen bólisedi.
