Qarjy mınıstrliginde «О́z erkimen taratý, salyq tóleýshilerdiń bankrottyq prosedýralaryn júrgizýdiń jeńildetilgen tártibin engizý, ákimshilik óndiristi ońaılatý máseleleri» taqyrybynda dóńgelek ústel bolyp ótti. Basqosýda Qazaqstan salyq tóleýshileriniń qaýymdastyǵy men Qarjy mınıstrligi Salyq komıtetiniń ókilderi baıandama jasady.
Otyrysta ákimshilik is júrgizý máseleleri (tulǵa ákimshilik quqyq buzýshylyq faktilerimen jáne aıyppul tóleýmen kelisken jaǵdaıda, ákimshilik materıaldardy joıý, «eskertý» sekildi sharalardy engizý, sýbektiden «laýazymdy adamdardan» jáne basqalardan ákimshilik jaýapkershilikti alyp tastaý) talqylandy.
Dóńgelek ústelde salyq tóleýshilerdiń óz erkimen taratý tártibin ońaılatý jáne bankrottyqtyń jeńildetilgen tártipterin engizý máseleleri qaraldy. Ákimshilik óndiristi ońaılatý, salyq tóleýshilerdi óz erkimen taratý rásimderin jeńildetý, bankrottyqtyń jeńildetilgen tártibin engizý máseleleri boıynsha qoldanystaǵy zańnamaǵa usynylǵan ózgerister men tolyqtyrýlar jýyq arada tıisti zań jobalarynan kórinis tappaq.
«Egemen-aqparat».
