Belgili jazýshy, jýrnalıst, Qazaqstannyń mádenıet qaıratkeri, kezinde «Egemen Qazaqstan» gazeti bas redaktorynyń orynbasary qyzmetin atqarǵan, marqum Sabyrjan Shúkiruly týǵan jerinde jemisti eńbek etken ýaqyttarynda osy úıdiń turǵyny bolǵan. Endi mine, araǵa jyldar salyp, úı qabyrǵasyna eskertkish taqta qoıylyp, qala halqy marqumǵa ózderiniń qurmetin kórsetken.
Birneshe kitaptardyń avtory, tarıh, ádet-ǵuryp, til taqyrybyna qalam terbegen Sabyrjan Shúkirulynyń azamattyq kelbeti, shyǵarmashylyq jetistigi haqynda Arqalyq qalasy ákiminiń orynbasary T.Áýbákirov baıandady. Almatydan arnaıy kelgen syılas dosy K.Saýytov, sharýa qojalyq ıesi K.Karbozov, inisi Q.Shyntemirov estelik aıtty. Qazaqstan Jazýshylar odaǵynyń múshesi, aqyn Naǵashybaı Muqatov qalamdas áriptesi haqynda óleńnen órnek órip, mynadaı joldarmen túıindedi.
Aınalyp alýan túrli saǵymǵa kún,
Ala bult aspanymda qalyqtadyń,
Nar ǵana Naǵashybaıdy nalytpaı ma,
Sar dala saǵynar áli Sabyrjanyn.
Mádenı sharada lentany qııý qurmeti eldiń eńseli azamattary K.Karbozov pen J.О́mirbekovke júktelip, sońynan «Dostyq» meıramhanasynda marqumnyń rýhyna arnalyp as berilip, quran baǵyshtaldy.
Osylaısha jazýshy qalamgerdiń ekinshi rýhanı ǵumyry bastaldy deýge ábden bolady. Aldaǵy jyly týǵanyna seksen jyl tolǵaly otyrǵan qarymdy qalamger Sabyrjan Shúkirulyn aqyn aıtqandaı sar dala áli saǵynaryna esh kúmán joq.
Anar TО́LEÝHANQYZY,
«Egemen Qazaqstan»
