Kezdesýge Túrki keńesine múshe memleketterdiń týrızm salasynyń basshylary, Qazaqstan, Túrkııa, Qyrǵyz Respýblıkasy, Ázerbaıjan jáne Túrki keńesi hatshylyǵynyń birqatar ókilderi qatysty. Sonymen qatar, alqaly jıynǵa О́zbekstan men Túrkimenstannyń memlekettik týrıstik komıtetteriniń tóraǵalary jáne Qytaı Halyq Respýblıkasynyń elimizdegi Tótenshe jáne ókiletti elshisi qurmetti qonaq retinde shaqyrylǵan.
Týrıstik forýmdy Mádenıet jáne sport mınıstri Arystanbek Muhamedıuly quttyqtaý sózben ashyp, Uly Jibek joly elderiniń ortaq týrıstik vızasyn ázirleý týraly usynysyn bildirdi. «Qazaqstan – yqylym zamannan beri Uly Jibek jolynyń ajyramas bóligi. 2015 jyly Bodrýmda ótken sammıt barysynda Túrki keńesi memleketteriniń basshylary Qazaqstandy «Qazirgi zamanǵy Jibek joly» túrki keńesine týrıstik ónimderdi daıarlaý boıynsha úılestirýshi dep tanyǵan-dy. Osy oraıda, biz sheteldik týrıster úshin Túrik keńesi bekitken Jibek boly týrıstik baǵdary boıynsha «Uly Jibek joly» vızasyn usyna alamyz. Týrıstik maqsattaǵy «Uly Jibek joly» vızasy Eýropa elderine ortaq «Shengen» vızasynyń balamasy bolar edi», dedi mınıstr.
Mınıstrdiń aıtýynsha, búgingi tańda Qytaı men Úndistan azamattarynyń Qazaqstanǵa 72 saǵatqa deıin vızasyz kirýine ruqsat etilgen. «Búginde 61 memlekettiń azamattary qazaqstandyq vızany alýdan bosatyldy. Odan bólek, 48 eldiń azamattaryna týrıstik vıza bererde shaqyrýdy rásimdeý talap etilmeıdi. Qytaı azamattaryna toptyq týrıstik vızalar berý qolǵa alyndy. Dál osyndaı kelisim Iran memleketimen júrgizilip jatyr. Astana men Almaty áýejaılarynda Qytaı men Úndistan azamattaryna 72 saǵattyq tranzıttik vıza beriledi», dep atap ótti A.Muhamedıuly.
Sonymen qatar taraptar «Túrki keńesi – Zamanaly Jibek joly» birlesken týrıstik jobasynyń veb-saıtyn damytý, baǵalaý saıasaty, marketıngtik jáne kommýnıkasııalyq strategııasyn jan-jaqty talqylap, óz oılary men usynystaryn bildirdi. Sondaı-aq kún tártibinde turǵan birneshe máselelerdi de nazardan tys qaldyrmady.
Aıta keteıik, 2018 jyldyń 2-8 qyrkúıek aralyǵynda Qyrǵyz Respýblıkasynyń Sholpanata qalasynda ótetin Úshinshi Dúnıejúzilik kóshpendiler oıyny aıasynda túrkitildes Memleketter basshylarynyń kezekti Sammıti bolady. Bul jıynda taraptar Astanada ótken basqosýda usynylǵan jobalardy muqııat zerttep-zerdelep, naqty sheshim qabyldaıtyn bolady.
Álı BITО́RE,
«Egemen Qazaqstan»
