«Nur Otan» partııasy Tóraǵasynyń birinshi orynbasary Máýlen Áshimbaev jastar forýmynyń úshinshi maýsym qatysýshylarymen arnaıy kezdesip, olardyń aldaǵy ómirlerine sáttilik tiledi, sondaı-aq qazirgi álemdik geosaıası ahýalǵa nazar aýdaryp, osy joldaǵy jastardyń róline toqtaldy.
– Elbasynyń saıası jáne rýhanı jańǵyrý reformalaryn júzege asyrýdy belsendi jalǵastyrýymyz qajet. Sebebi Memleket basshysy jarııalaǵan júıeli jańǵyrý baǵdarlamalarynyń negizgi maqsaty – ulttyq qundylyqtarymyzdy dáriptep, álemdik tájirıbelerden úırene otyryp eldigimizdi nyǵaıtý. Sondyqtan bul jumystarǵa memlekettik organdardan bólek, qoǵamdyq birlestikter, saıası partııalar, úkimettik emes uıymdar jáne jastar belsene qatysýy kerek, – dedi Máýlen Áshimbaev.
Partııa Tóraǵasynyń birinshi orynbasary bul baǵytta «Nur Otannyń» qolǵa alǵan jumystaryna kóńil bólip, jastarǵa jańa partııalyq jobalar jaıynda jan-jaqty sóz etti. Onyń aıtýynsha, 20-dan astam jańa partııalyq joba qolǵa alynyp, tıisti jumystar bastalǵan.
О́z sózinde spıker partııanyń «Sıfrly Qazaqstan», «Rýhanı jańǵyrý» baǵdarlamalaryn júzege asyrýǵa úles qosýǵa, halyqtyń sıfrly saýattylyǵyn arttyrýǵa jáne kásipkerlikti qoldaýǵa baǵyttalǵan birqatar naqty jobalardy qolǵa alǵanyna erekshe toqtaldy. Atap aıtqanda, partııa aldaǵy úsh jylda tegin 1000 IT-synyp ashýdy josparlap otyr. Onda jylyna 150 myń bala baǵdarlamalaý, robot tehnıkalary jáne 3D modeldeý negizderin meńgeretin bolady. Al bolashaǵyn aqparattyq tehnologııa salasymen baılanystyrǵysy keletin azamattar úshin «Nur Otan» 20 IT-ortalyq ashyp, bilikti IT-mamandar daıarlaý isin bastap ketti. Atalǵan jobanyń túlekterine tek Qazaqstannan ǵana emes, álemdik IT-naryǵyndaǵy tapsyrystardy oryndaý arqyly sheteldik kompanııalardan da jumys tabýǵa múmkindik bar. Qazirdiń ózinde elimiz boıynsha 100-den astam IT-synyp pen 15 IT-ortalyq ashyldy. Máýlen Áshimbaev bul jumystar «Nur Otan» partııasynyń «Sıfrly Qazaqstan» baǵdarlamasynyń júzege asyrylýyna qosqan naqty úlesi ekenin atap ótti.
Aýyl balalaryna aǵylshyn tilin úıretý úshin partııa «English for Jastar» jobasyn júzege asyrýda. Sonyń aıasynda aldaǵy ýaqytta sheteldik azamattardy, «Bolashaq» baǵdarlamasynyń túlekterin jáne aǵylshyn tilin erkin meńgergen jasotandyqtardy, barlyǵy 500-ge jýyq jas azamatty elimizdiń ár óńirindegi aýyl-aımaqqa, sonyń ishinde shalǵaıdaǵy eldi mekenderge jiberý josparlanyp otyr.
Budan basqa Qazaqstannyń ár túkpirinde jastar ınfraqurylymyn damytýǵa baǵyttalǵan jańa partııalyq jobalar da bar. Solardyń qatarynda otandyq kitaphanalardyń jumysyn jańǵyrtyp, zamanaýı bilim ortalyqtary retinde qaıta qurý bastamasyn erekshe atap ótken jón. Osy máselege nazar aýdarǵan Máýlen Áshimbaev elimizdegi kitaphanalardyń basym bóliginde materıaldyq-tehnıkalyq baza men qyzmet kórsetý sapasy eskirgenine kóńil bóldi. Sonymen qatar «Nur Otan» partııasy «Mektep ashanalaryn jańǵyrtý» jobasy arqyly bilim berý mekemelerinde durys tamaqtaný júıesin engizýdi qolǵa alyp otyr.
«Densaýlyq sabaǵy» jáne «Sport ınfraqurylymyn jańǵyrtý» jobalary arqyly partııa mektep oqýshylarynyń salamatty ómir saltyn ustanýlaryna da jaǵdaı jasaýdy qolǵa alýda. Sonyń nátıjesinde «Nur Otan» bıznes qaýymdastyqpen birlesip mektepterde qazirgi zamanǵa saı sport alańdaryn ashyp, bastaýysh synyp oqýshylary úshin «densaýlyq saǵatyn» engizbek.
Sonymen qatar Máýlen Áshimbaev qazir aqparat zamany ekenin aıtyp, osyndaı kezeńde Elbasy anyqtap bergen mindetterdi júzege asyryp, maqsatqa qol jetkizý jolynda jastardyń boıynda qandaı qasıetter bolýy kerektigine toqtaldy.
Kezdesý sońynda jastar ózderin tolǵandyrǵan saýaldaryn joldap, aldaǵy ýaqytta túrli jobalardy partııamen birlesip júzege asyrý úshin tyń ıdeıalarymen bólisti.
Baıqal BAIÁDIL,
«Egemen Qazaqstan»
Aqmola oblysy
