«2018 jyly oblys boıynsha turǵyn úı sektorynda 475 órt tirkelse, sonyń 75-i kóp qabatty úılerde oryn alǵan. Negizgi sebepteri – otty abaısyz paıdalaný jáne qysqa tuıyqtalý. 2019 jyly qańtar aıynda turǵyn úı sektorynda 17 órt oryn aldy, onyń bireýi kóp qabatty úıde»,- dep jetkizdi tótenshe jaǵdaılar departamentiniń basshysy Baýyrjan Syzdyqov.
Tekserister Aqtóbe qalasyndaǵy kóp qabatty úılerde órt qaýipsizdigin qamtamasyz etýde birqatar problemalardyń baryn kórsetip otyr.
Oblys ákimi tek kóp qabatty úılerdegi ǵana emes, basqa da barlyq turǵyn úı nysandaryndaǵy, adamdar kóp jınalatyn jerlerdegi órt qaýiptiligin tómendetý úshin túbegeıli sharalardy qabyldaýdy tapsyrdy. Sonyń ishindeturmystyq gazdyń jarylýyn boldyrmaý úshin turǵyn úıler men páterlerde gazoanalızator qondyrǵysyn qondyrý jumystaryn jandandyrý múmkindigin zertteýdi tapsyryldy.
Aıta ketý kerek, órt qaýipsizdigin kúsheıtý maqsatynda óńirde 2017 jyldan beri 72 eldi mekenniń qorǵalýyn qamtamasyz etein 11 órt beketi quryldy. Bıylǵa Hromtaý aýdanynyń Aqjar, Shalqar aýdanynyń Shilikti, Muǵaljar aýdanynyń Qumsaı men Muǵaljar, Áıteke bı aýdanynyń Áıke jáne Mártók aýdanynyń Rodnıkovka aýyldarynda taǵy alty beket qurý josparlanǵan.
Ortasha alǵanda órt beketin qurýǵa órt avtokóligin eseptegende 21 mln teńge kerek. О́ńir basshysy joǵaryda atalǵan aýdandardyń ákimderine aqshalaı qarajattyń ýaqytynda bólinýin qamtamasyz etýdi tapsyrdy.
Budan ózge, otyrys kezinde sýdaǵy qaýipsizdik erejeleri talaptarynyń saqtalýyn baqylaý máselesi qaraldy. Osy jyly jaǵajaılardaǵy barlyq qaýipsizdik normalarynyń saqtalýy qatań baqylaýda. 20 mamyr, sýǵa shomylý maýsymy bastalǵanǵa deıin barlyq jaǵajaılar muqııat tekserilip, erejeni qasaqana buzǵandar qyzmetin júzege asyrý quqyǵynan aırylady. Jaǵajaılar shomylý maýsymy boıyna qoǵamdyq baqylaýda bolmaq. Sol úshin qoǵam belsendileri, blogerler men BAQ ókilderi qatarynan arnaıy toptar qurylýda. Sondaı-aq, oblystyń barlyq eldi mekenderinde byltyr bastalǵan kommýnaldy (tegin) jaǵajaılar ashý jumysy jalǵasatyn bolady.
«Jaǵajaılardy shomylý maýsymyna kúni buryn daıyndaý jáne jabdyqtaý – adamdardyń qaýipsizdigin qamtamasyz etýdiń mańyzdy bóligi. Bul suraqqa jaýapkershilikpen qaraýlaryńyzdy suraımyn, ásirese jekemenshik jaǵajaılardyń basshylary. Materıaldyq-tehnıkalyq bazany nyǵaıtyńyzdar. Sizderdiń tabystaryńyz aldymen, demalýshylardyń qaýipsizdigin qamtamasyz etýge ketýi tıis. Biz ótken jazda oyrn alǵan oqıǵalardyń qaıtalanbaýy úshin barlyq qajetti sharalardy qoldanýǵa tıispiz», - dedi oblys ákimi.
Sonymen birge, oblys ákimi qutqarýshylardy daıarlaý jumysyn kúsheıtýdi, mektep jasyndaǵy balalardy júzýge jáne sýdaǵy qaýipsizdik sharalaryna keń aýqymdy úıretýdi keńinen uıymdastyrýdy tapsyrdy.
