Bangkokta barymyzdy kórsete almadyq

Azııa chempıonatynda Qa­zaq­stannyń ulttyq quramasy sapynda óner kórsetken 10 boksshynyń úsheýi qalyń toptyń arasynda qa­lyp qoıdy. 52 kılo salmaqtaǵy Ánýar Muzafarovtyń qabaǵy ja­rylyp, jeńis qyrǵyzstandyq Azat Úsenálıevtiń enshisinde ket­ti. 57 kılo salmaq dárejesinde óner kórsetken álem chempıony Qaı­­rat Erálıev úndistandyq Ka­vın­der Sıngh Bıshtten aılasyn asy­ra almady. 69 kılo salmaqtaǵy As­­lanbek Shymbergenov ózbek­standyq Bobo-Ýsmon Batýrovqa jol berdi. Osylaısha, jartylaı fınalǵa elimizdiń jeti boksshysy jetti.  

Jartylaı fınalda 49 kılo sal­maqtaǵy Temirtas Júsipovtiń rıngke kóterilýine dárigerler ruq­sat bermedi. 64 kılo salmaqtaǵy Sanatáli Tóltaev asa tartysty ótken básekede tájikstandyq Ba­hodır Ýsmonovtan utyldy. Al ata­ǵy alysqa jaıylǵan Vasılıı Le­vıtti Ońtústik Koreıanyń oǵlany Kım Hen Kıý eki ret nokdaýnǵa túsir­gennen soń tóreshiler jek­pe-jek­ti toqtatýǵa májbúr bol­dy. Osy úsh sportshymyz qola me­­daldy qana­ǵat tutty. 

Fınalda Qazaqstannyń tórt boksshysy baryn salyp aıqasty. Jarystyń sońǵy kúni alǵashqy bolyp rıngke kóterilgen 60 kılo salmaqtaǵy Zákir Safıýllın moń­ǵolııalyq Senbaatar Erdenbattan utyldy. Odan keıin qos qan­dasymyz qazaq eliniń ánuranyn shyrqatty. Ásirese biz Tursynbaı Qulahmettiń janqııarlyǵyna rıza boldyq. Negizi elimizde 75 kılo sal­­maq dárejesiniń kóshbasshysy Ábil­han Amanqul ekenin barsha jurt jaqsy biledi. Dańqty bap­ker Nurlan Aqúrpekovtiń shákir­ti es­ki jaraqatynan aıyǵa alma­dy. So­­dan ulttyq qurama jattyq­ty­rý­shylary oılana-tolǵana kele, Ábilhannyń ornyna Bangkokqa Qu­lahmetti aparýdy qup kórdi. О́z kezeginde Syr boıynyń saıyp­qy­rany el senimin tolyqtaı aqtady. Shırek fınalda ol Azııa oıyndary men Azııa birinshiliginiń jeńimpazy, ózbekstandyq Israıl Madrımovty ádemi utty. Jartylaı fınalda túrkimenstandyq Nur­sahat Paz­zyev­tyń murnyn buzyp, eli­ne qaı­tardy. Osy jekpe-jek­te qazaqtyń ulyna aıqyn jeńis­ke jetý úshin nebáry 20 se­kýnd jetkilikti boldy. Fınalda Tur­syn­baı Qulahmet úndistandyq Ashı Qumardy esh qınalmaı jeńdi.   

81 kılo salmaqtaǵy Bek Nur­maǵanbettiń de óneri kópshiliktiń kó­ńilinen shyqty. Jastar býyny arasyndaǵy jarystarda ja­syn­daı jarqyrap, eresekter dýy­na qosylǵanyna az ǵana ýaqyt bol­ǵan Túrkistannyń tastúlegi Taı­landta kópti kórgen kánigi sport­shydaı rıngte ózin erkin sezindi. Taktıkalyq ta, tehnıkalyq ta turǵydan daıarlyǵy óte kúshti Bek sary qurlyqtyń basty dodasynyń bas júldesin talassyz jeńip aldy.  

Alyptardyń aıqasyn barsha jankúıer taǵatsyzdana kútti. О́ıt­keni О́zbekstan men Qazaq­stan boksshylarynyń ózara tarty­sy, «jan alysyp, jan beris­ken» aıqasy jankúıerlerdi eshýaqyt­ta beıjaı qaldyrǵan emes. Onyń ústine, aqtyq aıqasqa syral­ǵy qarsylastar shyqty. Ekeýi de bú­gingi tańdaǵy alyp qurlyq­tyń úzdikteri, álemdik deńgeı­degi jarystarda jeńis tuǵyry­na kó­terilgen sańlaqtar. Máselen, Ba­hodır Jalolov – álem chempıona­tynyń qola júldegeri jáne Azııa chempıony. Kásipqoı rıngte de ózin jaqsy qyrynan kórsetken ol alty kezdesýdiń barlyǵynda aıqyn basymdyq tanytty. Qamshybek Qońqabaev  – álem jáne Azııa chem­pıo­natynyń kúmis júldegeri. Bangkoktaǵy jarystyń sheshýshi saıysynda ekeýi de baryn saldy.  Desek te tóreshiler Jalolovtyń qo­lyn kóterdi. Qońqabaev kúmis medal­dy qanaǵat tutty.