Jurtshylyq aldynda sóılegen sózinde oblystyń ókil ımamy, Qyzyljar meshitiniń bas ımamy Kenjetaı qajy Dúısenbaı musylmandardyń bes paryzynyń biri orazanyń saýapty isterine, sharıǵat ilimderine jan-jaqty toqtalǵannan keıin quran baǵyshtaldy.
Bul jolǵy qaıyrymdylyq sharalaryna ákeli-balaly Orynbaı, Shoqan, Aqan Orynbaevtar belsene aralasyp, aýyzashardyń barlyq jabdyqtaryn kóteriskeni arnaıy alǵys aıtyldy. Qadyrmendi aqsaqaldar oblystyń qurmetti azamaty Jaqsylyq Ysqaqov, Zeınolla qajy Oljabaev, Zarqyn Taıshybaı, «Vaınah» sheshen-ınǵýsh qoǵamynyń jetekshisi Saıd, seriktestik dırektory Sermaǵanbet Ahmýddınov, taǵy basqalary jyly lebizderin bildirip, jamaǵatty ımandylyqqa shaqyrdy.
Jergilikti kásipkerler men etnomádenı birlestik ókilderi otyz kún boıy kópbalaly otbasylar, az qamtylǵan jandar úshin dastarhan jaıyp, azyq-túlik paketterin úlestirýge ýaǵdalasty.
Sergeev sút zaýytynyń basshysy Samat Rashıdov kelesi aýyzashardy ótkizý mindetin óz moınyna aldy.
