«Nur-Sultan–Pavlodar» avtoban jolynyń qurylysyn bitirýge 3 aı ýaqyt berildi

 Sapar barysynda qurylysy uzaqqa  sozylǵan «Nur-Sultan – Pavlodar» avtojolynyń Shiderti kentiniń mańyndaǵy ýchaskesinde boldy. 

«Qazavtojol» UK» AQ jergilikti fılıal basshylary mınıstrdi jumys barysymen tanystyrdy    

  Jalpy, fılıal málimetinshe, elimizde «Nurly jol» baǵdarlamasy aıasynda "Ortalyq-Shyǵys" avtojol dáliziniń Pavlodar oblysy aýmaǵynda 2014 jyly Astana-Pavlodar baǵytyndaǵy 383 shaqyrym aralyqta jumys bastaldy.

Bul Aqmola oblysy shekarasynan óńirimizdegi Lenın kentine deıin 215 shaqyrym jáne Pavlodardan Shyǵys Qazaqstan oblysyna deıingi 168 shaqyrym jer.

Iаǵnı, mańyzdy jol qurylysy  I-A kategorııasyna sáıkes, tórtjolaqty qozǵalyspen-ár jaqqa eki jolaqty qozǵalys, betondy jáne asfaltbetondy jabyndy tóselip, qorshaýlarmen qorshalyp jasalady.

Jumys Astana-Pavlodar, Pavlodar-Semeı avtomobıl joldaryn qaıta jańǵyrtý boıynsha 15 jol bólikterinde iske asyrylýda.

Bul aýqymdy jobanyń quny 202,8 mlrd.teńge,  2014-2016 jyldary 104,7 mlrd.teńge ıgerildi.

 Mysaly, Aqmola oblysynyń shekarasynan Ekibastuzǵa deıin 34 shaqyrym asfalt jabyndysy, Ekibastuzdan Lenın kentine deıin 56 shaqyrym sement betondy jabyndysy jasaldy.

 Aqmola oblysynyń shekarasynyn Ekibastuzǵa deıingi bóliktegi 99 shaqyrymdyq jolda qıyrshyq tas asfalt-beton tóseledi.

Jol 5 qabattan turatyn bolady. Ekibastuzdan Lenın kentine deıingi 116 shaqyrym jolǵa  beton paıdalanylady.

Joba boıynsha Shiderti jáne Qalqaman beketteri mańyndaǵy «Ertis-Qaraǵandy» kanaly arqyly 2 kópir salý qaralǵan.

Kólik qozǵalysynyń qaýipsizdigine baılanysty kedergi qorshaýlaryn ornatylýy kerek.

Barlyq qurylys bólikterinde, qaıta jańǵyrtý jáne jóndeý, 5 satyly jol sapasyn baqylaý jumysy merdigerdiń sapa keńsesi, avtorlyq keńse, tehnıkalyq qadaǵalaý keńsesi, RMM «Pavlodarjolzerthanasy», tapsyrys berý sapa keńsesi qadaǵalaıdy,- delindi.

 Endi  qazir Nursultan-Pavlodar dep atalatyn  eki aralyqtaǵy  avtoban  paıdalanýǵa berilýi úshin joldyń birneshe ýchaskesindegi  qurylys jumystaryn 2019 jyly qalaıda  aıaqtaý kerek.

Halyq bolsa, shańy shyqqan joldan ábden sharshady. Apatty oqıǵalar  da azaımaı tur.                                                                     

 Joba  qashan aıaqtalady dep jurt kútip otyr.

Jergilikti fılıalda avtoban qurylysy bitkenshe birneshe  basshy da aýysyp úlgerdi.

Avtoban qurylysyn abyroımen  tapsyrýdyń ornyna-jylǵa jeter-jetpes ýaqytta  tapsyrylǵan mindetti oryndamaı  kete  barady.  

Al, Roman Sklıar merdigerlerden jol qurylysyn tez arada aıaqtaýdy talap etti. 

-Úshinshi, tórtinshi merdiger keldi.  2017 jyly tender ótkizý uzaqqa sozyldy. Endi sizderge 3 aı merzim beremiz! -dedi mınıstr.

О́ńirde bıyl oblystyq jáne aýdandyq mańyzdaǵy joldardy jóndeýdiń barlyq túrlerine 200 mlrd teńge bólingen.                                                            

     PAVLODAR

Sýretti túsirgen:  Valerıı  Býgaev