Bul sharanyń negizgi maqsaty – jastardyń áskerı qyzmetke daıar bolýy úshin jan-jaqty tárbıelep, qazirden bastap áskerı ómirge barynsha beıimdeý. Olardyń fızıkalyq daıarlyǵyn jetildirip, moraldi-psıhologııalyq qasıetterin arttyrý. Jas órenderdi patrıottyq jáne otansúıgishtik rýhta tárbıeleý. Sportqa kóptep tartyp, salaýatty ómir saltyna yntalandyrý. Prezıdenttik testti tapsyrýǵa daıyndaý jáne áskerı qyzmettiń ımıdjin kóterý.
– Qazaqstan Respýblıkasy Qorǵanys mınıstriligine qarasty Armııashylardyń Ortalyq sport klýby jáne Almaty qalalyq Qorǵanys isteri departamentiniń muryndyq bolýymen uıymdastyrylǵan tartysty básekeler alǵashynda Alataý bókterinde ornalasqan ásem shahardyń 8 aýdanynda ótken edi. Sol jarystarda ozyp shyqqan sportshylar qalalyq dodada baq synaý qurmetine ıe boldy. Al osy jerde jeńimpaz atanǵan jas órender ústimizdegi jyldyń maýsym aıynda Qaraǵandy oblysynyń aýmaǵyndaǵy «Spassk» polıgonynda ótetin respýblıkalyq «Aıbyn» jıynyna qatysady, – deıdi Qorǵanys mınıstriliginiń Sport komıteti tóraǵasynyń orynbasary, oqý-jattyǵý ortalyǵynyń bastyǵy Erkebulan Túsiphanov.
Almatydaǵy jıyn barysynda jeti áskerı-qoldanbaly sporttyń jeti túrinen saıystar ótti. Jarys jolyna shyqqandar pnevmatıkalyq atý, biltemirge tartylý, jerden denesin kóterý, 1000 metrge júgirý, arqan tartý, avtomatty shashyp-jınaý jáne jalpy áskerı qorǵanys jıyntyǵyn kııý boıynsha óz ónerlerin ortaǵa saldy.
