Lagerdiń ashylýynda Májilis depýtaty Arman Qojahmetov, «KAZBRANDS» QQ qamqorshylar keńesiniń tóraǵasy Nurlan Jazylbekov, joba jetekshisi Janna Qaıkenova, S. Toraıǵyrov atyndaǵy memlekttik ýnıversıtet rektory mindetin atqarýshy Meıram Begentaevtar qatysyp, jastarǵa arnap sóz sóıledi.
Sondyqtan, búgingi jıynnyń maqsaty-tálimgerlik ıdeıa, tálimgerlik tájirıbemen bólisý. Jalpy tálimgerlik árbir jastyń jeke tulǵa bolyp qalyptasýyna jol ashady. Tálimgerlik tabysqa jetkizedi. Tálimgerdiń keńesteri-ózderiniń tálimgerlerin izdeıdi,-deıdi joba jetekshisi Janna Qaıkenova.
Jastar lageri alańyna tájirıbeli sertıfıkattalǵan qazaqstandyq tálimgerler Aıdar Abraev, Danııar Aıtyshev, bloger Ánýar Sháripov, Lıdııa Taıjanova- Sherbınına qatysty.
Mentorlyq jastar lagerindegi tálimgerlik oqýlarǵa 4 kún boıy 13 pen 29 jas aralyǵyndaǵy jergilikti mektep oqýshylary, stýdentter, kásipkerler, jumysshy jastar jáne aýyl jastary qatysty. Túrli qyzyqty debattar, semınarlar, trenıngter jáne tálimger jetekshilermen kezdesýler ótti. Tálimgerlik oqýlardy, trenıngterdi Nur-sultan qalasynan kelgen elimizge tanymal blogerler, kásipkerler júrgizdi.
Buǵan deıin shilde aıynda «KAZBRANDS» qoǵamdyq qorynyń óńirlerdegi jas kóshbasshylary men jattyqtyrýshylarynyń jobasy iske qosylǵany belgili.
Qazir elimizde mentorlyq-tálimgerlik jobasy bastalady. Qor óńirlerge baryp, jastar arasynda kezdesýler, semınarlar, túrli trenıngter ótkizýde.
О́ńirdegi Aqsý qalasy №7 mekteptiń psıhology Farıda Esenbaevanyń aıtýynsha, bul forýmnyń maqsaty − jastarǵa óz jolyn tabýǵa, ózin-ózi tanı alýǵa kómektesý. Men «Balalar jáne kásipkerlik» taqyrybynda jumys isteıtin mentor bolǵan soń, Aıdar Abraevtyń trenıngteri unady. О́ıtkeni, Aıdar tálimger «Tabysty kásipker bolýdyń joldary», «О́z áleýetin qalaı paıdalanýǵa bolady?» atty qyzyqty trenıngter ótkizdi,-deıdi.
Mentorlyq lager jumysyna qatysqan Májilis depýtaty Arman Qojahmetovtyń aıtýynsha, tálimgerlik ınstıtýy degen qoǵam men memleket úshin mańyzy zor burynnan kele jatqan dástúrli jol deýge bolady. Qazirgi kúni de tálimgerlik, jastarǵa jol kórsetý, qoldaý − ózekti.
- Jalpy, mentorlyq joba memlekettiń qoldaýymen bastaldy. Mentorlyq jumys bızneske ǵana emes, barlyq salaǵa qajet. Memlekettik organdarda da ózekti. Qazirgi jastar óte bilimdi. Biraq ómirlik tájirıbeleri az. Al, olarǵa baǵyt-baǵdar beretin tálimger kerek,-deıdi qordyń jaýapty ókili Nurlan Jazylbekov.
Sondaı-aq, qoǵamdyq qor óńirlik jastar máselelerin taldaý maqsatynda tyń zertteýlerdi uıymdastyrý úshin sarapshylar tobyn jınap, sonyń qorytyndysymen ınteraktıvti karta ázirleýdi josparlap otyr.
Uıymdastyrýshylardyń aıtýynsha, jalpy, Baıanaýyldaǵy is-shara barysynda ómirdiń tabysty traektorııasyn qurýda, mentorıng quraldary arqyly jeke damý men ózin-ózi aıqyndaýda jastarǵa qoldaý kórsetýdiń jańa múmkindikteri qarastyryldy, úzdik mentorlyq tájirıbelerdi paıdalaný jáne qurý máselesi talqylandy.
Budan bólek, óńirlerde jastar boıynsha biryńǵaı aqparat jınaýǵa jáne jastar ÚEU arasynda keri baılanys berýge múmkindik alady
Baıanaýyldyń «Tuma» jastar qoǵamdyq birlestiginiń jetekshisi Batyrbek Arqarbaıulynyń aıtýynsha, aýyl jastaryn sharýashylyqtardaǵy jumyspen shekteýge bolmaıdy. Olarǵa zamanaýı ǵylym-bilimniń tetikterin úıretý qajet. Osyndaı trenıngterdi jıi uıymdastyrý kerek. Mentorlyq trenıngter-aýyl jastaryn kásipkerlikke baýlýǵa, osy salada óz ornyn tabýǵa múmkindik berdi.
Tájirıbeli mamandardan tálim alǵan qatysýshylar sharanyń sońǵy kúninde arnaıy sertıfıkattarmen marapattalyp, estelik sýretke tústi.
Pavlodar oblysy
Sýretti túsirgen: Olga Býgaeva
