Saıahat barysynda balalarǵa ár qalanyń tarıhy týraly derekter aıtylyp, tyń maǵlumattar berildi.
– Poıyzdaǵy sapar barysynda ár óńirdiń balalary bir-birimen jaqyn tanysyp, dostasyp ketti. Saıaxattyń ár kúninde balalarǵa arnalǵan sheberlik shyńdaý, sporttyq jarystar men bı, fleshmobtar uıymdastyryldy. «Týǵan elge saıaxat» jobasy balalarǵa ózin ózi damytyp, shyǵarmashylyq talanttaryn ashýǵa múmkindik beredi. Saıaxat barysynda poıyzda balalarǵa arnalǵan túrli úıirmeler jumys istedi. Sonymen qatar balalarǵa Qazaqstannyń tarıxy men poıyz júrgen jerlerdiń geografııalyq erekshelikteri týraly aqparattar aıtyldy. Bıyl alǵash ret kórshi Reseıde, Mońǵolııada, Belorýssııada, Ýkraınada turatyn qandastarymyz óz Otandaryna saıahat jasap, qazaq jeriniń tarıhymen tanysyp, túp-tamyrlaryna úńildi», dedi «Samruk-Kazyna Trust» áleýmettik jobalardy damytý qorynyń resmı ókili Mıras Irgebaev.
Joba qatysýshysy Mádı Abdraxman saıahat barysynda Taraz qalasyndaǵy Qaraxan kesenesin kórgenin, onda tarıhı málimetterge qanyq bolyp, bilimin jetildirgenin jetkizdi. Bıylǵy jazdy qyzyqty ózkizgen ol jobadan tapqan dostaryn qımaıtynyn da aıtty.
Joba qorytyndysy elordadaǵy «Jetisý» saıabaǵynda uıymdastyryldy. О́z ónerlerin ortaǵa salǵan qatysýshylar alǵan áserlerimen bólisip, estelik syılyqtarǵa ıe boldy.
Aıta keterligi, «Týǵan elge saıahat» jobasy «Samuryq-Qazyna» AQ kompanııalar tobynyń atynan «Samruk-Kazyna Trust» áleýmettik jobalardy damytý qorynyń uıymdastyrýymen júzege asýda. Bul sharaǵa shalǵaı óńirlerde ornalasqan, kóp balaly jáne tolyq emes otbasynan shyqqan balalar jáne de oqý úlgerimi jaqsy óndiristik kásiporyndar men zaýyt jumysshylarynyń balalary, sonymen qatar arnaıy uıymdastyrylǵan konkýrstyń jeńimpazdary qatysýda.
