Buǵan deıin 7 atalym boıynsha ótip kelgen konkýrsqa bıyl «Úzdik oqytýshy» nomınasııasy qosyldy. Baıqaý sharty boıynsha bul syılyq eresekterge memlekettik tildi oqytatyn jáne til meńgerý salasynda jańa tehnologıalar qoldanǵan ustazdarǵa beriledi.
Bıylǵy baıqaýda 8 atalym boıynsha 43 úmitker baq synady. Basty syılyq – «Til maıtalmany» júldesi E.Bóketov atyndaǵy QarMÝ-dyń professory, fılologııa ǵylymdarynyń doktory, Halyqaralyq aqparattandyrý akademııasynyń akademıgi Jandos Smaǵulovqa buıyrdy. Jeńimpazǵa 1 mln teńgeniń sertıfıkaty tabys etildi.
Qalǵan atalymdar boıynsha myna úmitkerler jeńimpaz atandy:
«Memlekettik til – memlekettik qyzmette» – Madınat Igenberlına, «Sátbaev qalasynyń Mádenıet jáne tilderdi damytý bólimi» MM bas mamany;
«Til jarshysy» – Anna Strokova, «E-Karaganda» aqparattyq portalynyń tilshisi;
«Til bilgiri» – Denıs Romanov, Jezqazǵan qalasynyń №3 «Bilim-Innovasııa» lıseıiniń 11 synyp oqýshysy;
«Jas polıglot» – Madııar Ábdilradov, «Murager» BOM hımııa jáne bıologııa muǵalimi;
«Memlekettik til bızneste» – Almaz Myrzahmet, «Magzhan» printing house» JK;
«Úzdik telehabar» – Aıan Sháken, 5-shi telearnanyń júrgizýshisi;
«Úzdik oqytýshy» – Bereke Jarylǵapova, «Saran qalasynyń tilderdi damytý ortalyǵy» KMK ádiskeri.
Jeńimpazdar dıplomdarmen jáne 250 myń teńgeniń sertıfıkattarymen marapattaldy
Eske salsaq, oblystyq «Til janashyry» baıqaýy 2012 jyldan bastap dástúrli túrde uıymdastyrylyp keledi.
Qaraǵandy oblysy
