Osy baǵyttaǵy jumys barysy týraly oblys ákimdiginde ótken apparattyq jınalysta oblystyq ekonomıka basqarmasy basshysynyń mindetin atqarýshy Aıjan Dursun baıandady.
– 2020 jyly «Aýyl – el besigi» jobasyna qatysý úshin joǵary jáne ortasha damý áleýetine ıe tórt eldi meken anyqtaldy, 27 jobany iske asyrý josparlanǵan, onyń ishinde 9 bilim berý, úsh sport nysanyn jóndeý jáne 15 avtojoldy qalypqa keltirý josparlanǵan, – dedi ol.
Joǵaryda atalǵan aýdandarda ınjenerlik jeliler, mektepter, mádenıet úıleri, sporttyq qurylystar men joldar jóndelip jatyr. Munyń ózi jańa jumys oryndaryn ashýǵa zor múmkindik týǵyzdy. Mysaly Jańaarqa aýdanynda – 47, Nura aýdanynda – 44, Ulytaý aýdanynda 43 bos jumys orny ashyldy.
Atasý kentinde jalpy uzyndyǵy 8,7 shaqyrym bolatyn alty joldyń ortasha jóndeý jumystary aıaqtalyp, 60 jaryqtandyrý tirekteri ornatyldy. Jóndeý jumystary jylýmen qamtýdyń bes nysanynda, tórt joldyń qurylysynda jáne eki balabaqshada jalǵasýda.
Nura aýylynda úsh kóshede jaryqtandyrý tirekteri ornatyldy jáne «Nura» stadıony jóndeldi. Sonymen qatar balalar óner mektebi, tarıhı-ólketaný murajaıy, kentishilik joldar men «Táýelsizdik» saıabaǵynda jóndeý jumystary jalǵasýda. Qyrkúıek aıynyń sońyna deıin aýdanda taǵy 31 bos jumys orny ashylady.
Ulytaý kentinde №1 orta mektep jóndeldi.
Joba jospary boıynsha, kelesi jyly «Aýyl – el besigi» baǵdarlamasyna oblystyń taǵy tórt eldi mekeni engizilmekshi.
Qaraǵandy oblysy
