«Mal sharýashylyǵyn barynsha damytýymyz kerek. Bul – bizdiń dástúrli ata kásibimiz. Onymen qalaı aınalysý kerek ekenin bilemiz. Eń bastysy, jumysty qazirgi zaman talabyna saı durys júrgizý kerek. Túrli baǵyttaǵy et klasterlerin damytý qajet. Atap aıtqanda, qoı sharýashylyǵyn, sút óndirýdi jáne qus sharýashylyǵyn órkendetýge tıispiz. Halyqaralyq boljam boıynsha Azııa elderi men Qytaıda tabystyń artýyna jáne halyq sanynyń kóbeıýine baılanysty qoı eti men qus etine degen suranys artady. Osyndaı úrdisti tıimdi paıdalanýymyz kerek. Sút ónimi men qus etin óndirýdi eki ese arttyrsaq, búgin biz ımporttap otyrǵan qosymsha 500 mıllıon dollardyń ónimin alýǵa bolady», dedi Prezıdent Qasym-Jomart Toqaev.
