О́nertapqysh stýdentter

Qostanaılyq ónertapqysh stýdent­ter – Ilııas Ázilhanov pen Zarına Myrzataeva latyn qarpimen basylǵan anı­­masııalyq qazaq álipbıin oılap tapty. 3D mobıldi qosymshaǵa negizdelgen ın­novasııalyq joba balalardyń qazaq jazbasyn tez meńgerip ketýine ba­ǵyt­talǵan.

– Jazdyń sońynda biz, Ilııas ekeýmiz Aqmola oblysy Býrabaı jerinde uıym­dastyrylǵan jas kásipkerlerdiń Zeren-2019 sletine qatystyq. Ekeýmiz orman­dy aralaı júrip qandaı ıdeıany júzege asyrsaq eken dep aqyldasa kele, erekshe álipbı jasap shyqsaq degen ortaq sheshimge keldik, – deıdi Zarına. – Kolledjde oqyp júrgenimde men 3D modelin qurastyrýdy úırendim. Sonymen qatar sýret mektebine de bara­tynmyn. Al ýnıversıtette jýrna­lıs­tıka mamandyǵy boıynsha oqı júrip latyn qarpi týraly birshama izden­dim. Bul ýaqytta Ilııas kolledjdi biti­rip, A.Baıtursynov atyndaǵy Qos­ta­naı memlekettik ýnıver­sıtetinde baǵ­dar­la­mashy mamandyǵy boıynsha oqyp jatyr edi. Bul da bolsa bizdiń ıdeıamyzdyń jú­zege asýyna kóp kómegin tıgizdi. 

– Álipbıdi ázirleý kezinde bizdiń jo­baǵa uqsas eki joba týraly bildik, – deıdi Ilııas. – Biraq bizge olar­dyń túri men baǵasy una­mady. Bar­lyq artyq­shy­lyq­tary men kemshilikterin ólshep, biz tutynýshy úshin jarqyn, qy­zyqty ári qol­­jetimdi bo­latyn balama­syn jasap shyq­tyq. Al latyn álipbıin bilim berý úde­risine engiz­gen­nen keıin 2020 jyldan bastap ónimniń suranysy joǵary bolmaq. Buǵan deıin bizde startap-jobalarda jumys isteý tájirıbesi boldy, ár joly biz jeńimpazdardyń qatarynan kórinip júrdik, bul joly da solaı boldy. Al­dy­men tolyqqandy ónim jasap, ony dúken sórelerine shyǵarǵymyz keledi jáne bolashaqta tek bizge ǵana emes, jalpy halyqqa da paıda ákeletin jańa ónim jasaǵymyz keledi.

Iá, jas óner­tap­qyshtar ınno­va­sııa­lyq ıdeıanyń ıgiligi mol ekenin aıtady. О́ner­tapqysh stýdentterdiń jobasynda latyn grafıkasyn úıretýdiń ozyq ádis-tásilderi qoldanylǵan. Álipbıdiń jańa latynsha grafıkasyn alǵash oqyp-úıre­ne­tinder balabaqsha men oqý oryndary bolmaq. Sondyqtan ınnovasııalyq joba­nyń naryqta tıimdiligi aıtpasa da túsi­nikti. Ǵy­lym jolyna túsken qos stýdent oılap tapqan jańalyǵyn jaryqqa shy­­ǵarýdy jón sanaǵan.

Ilııas Ázilhanovtyń aıtýynsha, ol «Jas kásipker» jobasyna qatysyp, bıznes jospar quryp, iskerlik negizderin úıren­gen.

In­novasııalyq jobany iske asyrýǵa qarajat kerek ekeni anyq. Sol sebepti óner­tapqyshtar grant utyp alýǵa úmit­tenip otyr. Sondaı-aq jańa joba­la­ry­nyń júzege asatynyna da senedi.