Almaty – qazaqstandyqtardyń maqtanyshy, jaıly, kósheleri keń, ádemi ǵımarattary, saıabaqtary, gúl alańdary men fontandary kóp jasyl jelekke malynǵan, sáýleli qala. Sonymen qatar Almaty – ǵylymı, mádenı, tarıhı, óndiris jáne elimizdiń qarjy ortalyǵy sanalady.
«Almatym – altyn uıam» atty bul is-sharaǵa shattyqty shahardyń óndirdeı ónerge umtylǵan beıneleý óneri mektepteri qatysty, sondaı-aq atalmysh merekege oraı balalar shyǵarmashylyǵynyń kórmesi uıymdastyryldy.
Olardyń qatarynda «ArtLab» beıneleý óneriniń kreatıvti mektebi, «Da Vınchı» jáne «Art Mix studio», «Bojıa korovka», «Shedevr» stýdııalary bar.
Jas talantty sýretshiler súıikti qalasynyń kórneki jerlerin, mádenı jáne tarıhı eskertkishterdi, túrli arhıtektýralyq sheberlikpen salynǵan ǵımarattar men saıabaqtardy, sonymen qatar qalanyń sımvoldaryn ózderiniń jańa týyndylary arqyly kelýshilerge usynys bildirdi.
Festıval aıasynda Oqýshylar saraıy jáne Almaty oblysy, Qarasaı aýdany Abaı aýylynyń «Shyrqa» ónerge baýlý ortalyǵy balalarǵa arnalǵan konserttik baǵdarlama usyndy. Sondaı-aq «Meniń turatyn qalam» atty slaıd-vıktorınasy, «Almaty qalasynyń tarıhy» mýzeıine kelýshilerge arnalǵan vıktorına, «Qazaq halqynyń salt-dástúri men ádet-ǵuryptary» atty baıqaý uıymdastyryldy. Odan bólek sharaǵa qatysýshylar úshin qalanyń beıneleý óneri stýdııalarynyń jetekshileri tarapynan sheberlik sabaqtarynan tálim berildi.
ALMATY
