Qys qamsyzdyqty kótermeıdi

Sonymen qatar ol qala­da­ǵy №1 jáne №3 jylý elektr ortalyqtarynda negiz­gi ázirlik jumystarynyń toly­ǵy­men aıaqtalǵanyn habarlady. Injenerlik jeliler de maýsymǵa saqadaı saı daıyn. Oblys ortalyǵyndaǵy 2365 turǵyn úıdiń 2316-i jylý berýge daıyndyq aktisin alǵan. Qalǵan 49 kópqabatty turǵyn úıde jylý jáne sýmen qamtamasyz etý júıelerin jóndeý jumystary aıaqtalýǵa jaqyn. Daıyndyq tólqujattaryn olar aldaǵy 10 kúnde alýy tıis.

Qala ákimi habarlaǵandaı, jylý birinshi kezekte Prıshah­tın­sk jáne Suryptaý eldi mekenderiniń tur­ǵyn­daryna beri­le­di. Sodan keıin qalanyń qalǵan aýdandary ortalyq júıeden jylý ala bastaıdy.

Oblys ákimi Jeńis Qasymbek jylytý maýsymynyń bastalýyna az ýaqyt qalǵanyn jáne munyń qysqy kezeńdegi asa mańyzdy sharýalardyń biri ekenin taǵy bir márte eske saldy.

– Daıyndyq jumystarynyń belgi­len­gen merzimde júrgi­zil­ge­nin kórip otyrmyn. Energetıka basqarmasynyń jylytý maýsym­ynyń bastalýyn jiti baqylaýǵa alýyn suraımyn, – dep atap ótti oblys basshysy.

Oblystyq energetıka jáne TÚKSh basqarmasynyń basshysy Ulantaı Úsenov Shahan jáne Aqadyr kent­terindegi qazandyqtar qury­ly­synyń jumystary keste boıynsha júrgizilip jatqanyn baıandady. Búginde Aqadyr kentinde qazandyq jabdyqtary men ınjenerlik jeliler qurastyrylǵan. Al Shahanda qurylys-qurastyrý jumystary júrgizilip jatyr. Qurylys basynda barlyq qajetti tehnıka men jumysshy kúshi bar. Qazir jer qazan­dy­ǵy, sondaı-aq qazandyqtar negizin salý jumystary júrgizilýde.

Temirtaý qalasyndaǵy JEO-2-niń jylytý maýsymyna daıyndyǵy erekshe baqylaýǵa alynǵan. Týrboagregattar men qazandyqtardy jóndeý boıynsha barlyq jumystar keste boıynsha oryndalady, dep sendirdi Ulantaı Úsenov.

Jıynda óńir basshysy kom­mý­naldyq-turmystyq qajet­tilik­ter­ge arnalǵan kómir qorynyń kólemi týraly da surap bildi. Qazir óńirdiń barlyq eldi meken­de­rinde shilde aıynan bastap otynnyń qatty túri satylýda. Saýda núktelerinde kezek pen dúrlikpe joqqa tán. Oblys turǵyndary Shubarkól kómiriniń tonnasyn 10 100 teńgege satyp ala alady, al «Sát Kómir» markaly kómirdiń baǵasy 6000-6500 teńgeni quraıdy.

Jıyn sońynda oblys ákimi kómir baǵasynyń aıaq astynan negizsiz qymbat­tap ketpeýin baqylaýǵa alýdy tapsyrdy.

Qaraǵandy oblysy