Pavlodarda jylý berý bastaldy

Oblystyq Energetıka jáne turǵyn úı-kommýnaldyq sharýa­shy­lyq basqar­ma­synyń habarlaýynsha, bıylǵy jylytý maýsymynda jergilikti halyqqa qajetti kómirdiń mólsheri shamamen 428 myń tonnany quraıdy.

– Kómir ónimderin satý oryndarynda dúrligýdi boldyrmaý úshin oblys turǵyn­da­ryna jylytý maýsymyna kómirdi aldyn ala satyp alý qajettigin eskertip, túsindirý jumystaryn júrgizdik.  2019-2020 jyldar­dyń jylý berý maýsymyna tur­ǵyndar úshin shamamen 428 myń tonna qatty otyn kerek. Qazir 19,9 myń tonna kómir qory bar. Bir tonna kómirdiń baǵasy jetkizýmen qosa eseptegende
6 800-16 500 teńge aralyǵynda. Halyq negizinen «Maıkóbe» JShS, «Bogatyr kómir» JShS, «Qarajyra LTD» JShS kómirlerin satyp alady.  Bólshek saýda naryǵynda halyqqa kómir jetkizýdi 300-den astam jeke kásipker júzege asyrady. Qazir oblysta kómir tapshylyǵy baıqalmaıdy, – dep habarlady basqarma.

Joǵaryda aıtyp ket­ke­ni­mizdeı, oblys ortaly­ǵyn­daǵy áleýmettik nysandar kúzgi qara sýyqta qaltyraýdan aman. Mektep, balabaqsha, aýrýhana syndy nysandar ishki temperatýralyq rejimdi ózderi rettep otyrady.

Daıyndyq jumystary qan­sha­­lyqty tyńǵylyqty júr­gi­zildi degenniń ózinde oblys ortalyǵynda 100 shaqty úı jylý maýsymyna daıyn emes. Bul eshbir qurylymdarmen basqarylmaıtyn úıler. Son­dyqtan qys mezgiline ázirlik te tıisti dárejede júrgizilmegen.

Sońǵy gıdravlıkalyq sy­naq­tar kezinde de oblys orta­ly­ǵyndaǵy jylý jeli­le­rinde aqaýlar bar ekeni  anyqtady.  Qazir kommýnaldyq sala mamandary ony qalpyna keltirýmen aınalysyp jatyr. Byltyr jylý deńgeıi jetkiliksiz bolǵan bes magıstralda kúrdeli jón­deý bastalǵan.

Qalalyq energetıka jáne tur­ǵyn úı-kommýnaldyq sharýa­shylyq bóliminiń ókili: «Bul jyldan-jylǵa jalǵasyp kele jatqan másele. Jylý magıs­tral­darynyń ábden tozyǵy jetken. Aǵymdaǵy jyly Nur-Sultan, Lermontov jáne Naberejnaıa kóshelerinde, sonymen qatar Tolstoı kóshesi 82 mekenjaıy boıynsha jumys júrip jatyr. Byltyr bul aýmaqtarda jylýmen qamtý deńgeıi tómen boldy. Sondyqtan uzyndyǵy 250 metrlik jelini aýystyrýǵa týra keldi», deıdi.

Búgingi tańda oblys ortaly­ǵyn­da­ǵy 1276 turǵyn úıdiń júz­den astamy maýsymǵa daıyn emes. Bul páter ıe­le­ný­shi kooperatıvteri, ózge de basqarý qury­lym­dary joq úıler. Turǵyndar ony óz kúshterimen daıyndaýǵa qaýqarsyz. Sol sııaqty ishki jylýmen qamtý júıesine jóndeý júrgizý úshin qarjy jınaýǵa múmkindikteri joq.

 Pavlodar oblysy