«О́ńirdiń energetıkalyq kásiporyndaryndaǵy jóndeý-daıyndyq jumystaryna erekshe kóńil bólip otyrmyz. Qazir qýaty 100 Gkal/saǵattan asatyn jylý ortalyqtary 89 paıyz, sý elektr stansalary – 63 paıyz, elektr jelileri men transformatorlyq stansalar – 100 paıyz, jylý júıeleri – 97, sý jáne káriz júıeleri – 99 paıyz, qýaty 100 Gkal/saǵattan kem emes qazandyqtar – 85, turǵyn úı qory – 94 paıyz, bıýdjettik jáne mádenı sala nysandary jylý maýsymyna 100 paıyz daıyn. Jylý ortalyqtary men ómirlik mańyzdy nysandarǵa kómir jetkizý máselesi basty nazarǵa alynǵan. Bıýdjettik uıymdarǵa kómir jetkizý shilde aıynan bastaldy. Búginde densaýlyq, áleýmettik qorǵaý jáne mádenıet nysandary kómirmen 100 paıyz qamtamasyz etildi. Bilim nysandarynyń qajettiligi 95,2 myń tonna bolsa, sonyń 85,8 myń tonnasy jetkizildi. Bıylǵy jylý maýsymyndaǵy halyqqa qajet kómir kólemi 1 140,9 tonna bolsa, qazir onyń 710,1 myń tonnasyn (62 paıyz) turǵyndar túsirip aldy» deıdi basqarma basshysy Bolat Akýjanov.
